Ubutukilo 24:27 - MUKANDA USANDU WA ZAMBI 1975

²⁷ nikwamba ngwenyi, Yehova akafumane Zambi wa mwata wami Apalahama yoze kambilile keke yenyi hanji umwenemwene wenyi ha kutwala kuli mwata wami. Ni yami nawa Yehova hangusongwela mu jila ku zuwo lia usoko wa mwata wami.

Mukanda Wa Zambi 1970

²⁷ ngwenyi: “Mwene Zambi wa mwata wami Abrahama afumane, mumu hamanununa yilakenyo yeswe yize alakenyene mwata wami. Hiwanguneha ndoo kuno ku limbo lia usoko wa mwata wami.”

Ubutukilo 24:27 Iomraidhean Croise

Ubutukilo 13:8

Apalama yamba kuli Lote ngwenyi, Ngunaliumbu, kanda kupwa kulitachika hakachi ka yena ni yami, hakachi ka tufunga twe ni tufunga twami se tuli usoko.

Ubutukilo 14:20

Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

Ubutukilo 24:12

Yamba ngwenyi, Yehova, Zambi ya mwata wami Apalahama, ngunaliumbu unguwahise musono, ukalweze utu wa zango kuli mwata wami Apalahama.

Ubutukilo 24:21

Mwe lunga kanamuhulikila meso, kulungunga, akanyingike nyi Yehova hawahisa jila yenyi, nyi ka.

Ubutukilo 24:4

Alioze mukaya ku chifuchi chami, kuli usoko wami ukasakile pwo mwanami Izake.

Ubutukilo 24:42

Mba musono nahetanga ku fuji lia meya, nambanga ngwami, Yehova Zambi ya mwata wami Apalahama, nyi unawahisa jila yami ngunendela;

Ubutukilo 24:48

Nahetamisanga mutwe wami nikuwayila Yehova, nikufumanyisa Yehova, Zambi ya mwata wami Apalahama, yoze wangusongwelele mu jila yamwenemwene ngukasake mwana wa yayo ya mwata wami akapwe pwo lia mwanenyi.

Ubutukilo 32:10

Ami chatelele, chipwe hakehe, utu wa zango lie ni umwenemwene we walweza kuli yami kuvumbi ke. Mumu nazaukile yono Yordau ni mulumbu wami, haliapwila hinapwa yendo yiali.

Ubutukilo 32:11

Ngunaliumbu, ungupulule ku kwoko lia yaya Esau, mumu woma ngunevu kuchina meza nikungupupa ni anaye hamwe ni ana.

Ubutukilo 9:26

Yamba nawa ngwenyi, Yehova Zambi ya Sheme akafumane; Kanana akapwe ndungo yenyi.

2 Samuel 18:28

Ahimaze yatambika kuli mwanangana ngwenyi, Cheswe chinawaha! Yahetamina hashi kumeso ja mwanangana ngwenyi, Yehova Zambi yenu afumane se iye hanakunjika malunga aze azundwile moko jo kulimika ni mwene wami mwanangana.

Miaso (Masamu) 100:5

Mumu Yehova iye mupema, utu wa zango lienyi wa mutolo. Umwenemwene wenyi walinduluka ku yisemuko yeswe.

Miaso (Masamu) 68:19

Mwene afumane, yoze wakumbatambata chiteli chetu tangwa ha tangwa. Iye mwe Zambi yoze wapwa ulamwino wetu.(Litulike.)

Miaso (Masamu) 98:3

Hanewuluka utu wa zango lienyi ni umwenemwene wenyi ku jiko lia Izalele. Ndo ku masongo a hashi hanamono ulamwino wa Zambi yetu.

Kutuhuka 18:10

Yetoru yamba ngwenyi, Yehova afumane yoze wanupulwile ku kwoko lia A-Engitu ni ku kwoko lia Falau, yoze wapulwile e atu kushi lia kwoko lia A-Engitu.

Kutuhuka 2:11

Ha matangwa aze Mose, muze te hakola, yaya kuli usoko wenyi, yatala yiteli yo. Yamona umwe Ka-Engitu kanalambe umwe Ka-Hepreu wa usoko wenyi.

Kutuhuka 2:13

Mukwachako iye watuhukile nawa, yamona atu aali A-Hepreu kanazwele, mba yamba kuli lunga unalingi chipi, ngwenyi, Kuchi te unalambe mukwenu?

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Yishima 3:6

Ukamutayize mu yilinga ye yeswe mba iye makalulamisa majila je.

Yishima 8:20

Kunakwenda mu jila ya ululi, he hakachi ka majila ja upatwilo,

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

Rute 4:14

Mba mapwo ambile kuli Noemi ngwo, Yehova akafumane se musono kakuhichikile kushi usoko; jina lia yono likafumane mu Izalele.

1 Samuel 25:32

David yamba kuli Abigale ngwenyi, Yehova Zambi ya Izalele afumane yoze wakutumanga kungupatwiza.

1 Samuel 25:39

Muze David yevwa ngwo, Nabale hafwa, iye yamba ngwenyi, Kawaha Yehova yoze hafwetesa sau lize natambwile kuli Nabale, kangutayijile yami kavumbi kenyi kulinga chuma chipi. Yehova hanahilwisa yipi ya Nabale ha mutwe wenyi mwene. Mba David yatuma akatende Abigale akapwe pwo lienyi.