Ubutukilo 24:26 - MUKANDA USANDU WA ZAMBI 1975

²⁶ Mwe lunga yahetamisa mutwe wenyi, yawayila Yehova,

Mukanda Wa Zambi 1970

²⁶ Mwe lunga yahetama, yawayila Mwene Zambi

Ubutukilo 24:26 Iomraidhean Croise

Ubutukilo 22:5

Apalahama yamba kuli akweze jenyi ngwenyi, Salenu kuno ni chimbulu shimbu yami ni mwanami mutuya kuze. Mutuwayila mba mutwiza nawa kuno nuli.

Ubutukilo 24:25

Yamba nawa ngwenyi, Mwambu ni ya kulia ya tumelu tuli nacho, ni kuze muhasa kutwama.

Ubutukilo 24:48

Nahetamisanga mutwe wami nikuwayila Yehova, nikufumanyisa Yehova, Zambi ya mwata wami Apalahama, yoze wangusongwelele mu jila yamwenemwene ngukasake mwana wa yayo ya mwata wami akapwe pwo lia mwanenyi.

Ubutukilo 24:52

Kwapwile muze ndungo ya Apalahama hevwa maliji jo yahetamina hashi kuli Yehova.

1 Sango Ja Mianangana 29:20

David yamba kuli akwa chikungulwila eswe ngwenyi, Haliapwila hiwahisenu Yehova Zambi yenu. Mba akwa chikungulwila eswe yalemesa Yehova Zambi ya tulamba two. Yahetamisa mitwe yo ni kuwayila Yehova ni mwe mwanangana.

2 Sango Ja Mianangana 20:18

Yehosofate yahetamisa meso jenyi hashi, ni A-Yunda ni A-Yerusaleme eswe yafulamana hashi kumeso ja Yehova ni kuwayila Yehova.

2 Sango Ja Mianangana 29:30

Chikwo nawa mwanangana Hezekia ni alemu yatuma A-Levi embile uhaliso Yehova ni maliji a David, ni a Asafwe mukwa kumona. Yemba uhaliso ni kulikwiza mba yahetamisa mitwe yo nikuwayila.

Nehemia 8:6

Ezera yahalisa Yehova mwe Zambi munene, ni atu eswe yakumbulula ngwo, Amene! Amene! nikuzundula moko jo. Yahetamisa mitwe yo nikuwayila Yehova nikufulamana hashi.

Miaso (Masamu) 22:29

Anene eswe a hashi kumalia, kumawayila. Waze eswe akuya ku fufuta kumahetama kumeso jenyi, chipwe waze kahashile kufunga mwono wo.

Miaso (Masamu) 66:4

Akwa hashi eswe kumakakuwayila, nikukwimbila yena, nikwimbila jina lie.(Litulike.)

Miaso (Masamu) 72:9

Akwa kutwama mu puya malihetamina kuli iye, akwa kole jenyi kumakalesa fufuta.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Kutuhuka 12:27

Nukambe ngwenu, Chino che chitapo cha Chizomboka cha Yehova mumu te iye yazomboka mazuwo ja A-Izalele mu chifuchi cha Engitu muze alambile A-Engitu, yapulula atu jetu. E atu yahetamisa mitwe, yawayila.

Kutuhuka 34:8

Mose walipupwishile, yahetamisa mutwe wenyi ndo hashi nikuwayila.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Mika 6:6

Neka mungwiza kumeso ja Yehova nikulihetamina kumeso ja Zambi mwilu? Mungwiza kumeso jenyi ni milambu ya kulumba, hanji ni yimbembe ya ngombe ya mwaka umuwika?

Filipu 2:10

hanga mu jina lia Yesu, makungunwa eswe akaliumbe, ni a mwilu, ni a hashi, ni a kushi lia hashi,

Akwa Kuyula 7:15

Muze Ngideone wevwile kwaula cha chilota ni ulumbunwiso wacho yawayila Zambi, yahiluka ku chilombo cha A-Izalele yamba ngwenyi, Katukenu mumu Yehova hanakunjika mbunga ya A-Mindiane mu moko jenu.

1 Samuel 1:28

Kashika ni yami nawa hinamuhana kuli Yehova. Ha matangwa eswe a mwono wenyi hinamuhana kuli Yehova. Mwe mwana wawayililileko Yehova.