Ubutukilo 24:2 - MUKANDA USANDU WA ZAMBI 1975

² Apalahama yamba kuli ndungo yenyi, mwe mukulwana ku zuwo lienyi, yoze wayulile yuma yeswe apichile, ngwenyi, Mwane, sako kwoko lie kushi lia shina lia kulu liami.

Mukanda Wa Zambi 1970

² Abrahama yatambika kavumbi kenyi, mwe mukulwana te wakutala yikumba yenyi yeswe. Yamwamba ngwenyi: “Sako kwoko lie mu molu jami ulishinge ku meso ja Zambi.

Ubutukilo 24:2 Iomraidhean Croise

Ubutukilo 15:2

Apalama yamba ngwenyi, Mwene Yehova, yika mukangwaha se ngunayi chishi mwana, mba yono Elieza wa Ndamaseku mahinga zuwo liami?

Ubutukilo 24:34

Iye ngwenyi, Ami nguli ndungo ya Apalahama.

Ubutukilo 24:37

Mwata yangushingisa ngwenyi, Mwanami kuchi kumusakila pwo hakachi ka ana ja A-Kanana natwama mu chifuchi cho.

Ubutukilo 44:1

José yatuma kaselo ka zuwo lienyi ngwenyi, Zalisa njeke ja malunga wano ni kulia cheswe mahasa kumbata, ukase mbongo ja mutu mweswe kwilu lia njeke yenyi.

Ubutukilo 47:29

Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

Ubutukilo 47:31

Yamba ngwenyi, Ulishinge. Mba iye yalishinga. Mba Izalele yalihetamisa ha muhela.

2 Samuel 12:17

Makulwana a zuwo lienyi yakundama kuli iye akamuhindwise, alioze katayile. Chipwe kulia, kalile no.

1 Yitanga Ya Mianangana 16:9

Mba kavumbi kenyi Zimiri kapitau ka chihanda cha ha muchima cha matemba jenyi a jita yamutwama punga. Wapwile mu Tiriza nikunwa ni kuzengewa mu zuwo lia Araza mukwa kuyula zuwo lia mwanangana mu Tiriza.

1 Sango Ja Mianangana 29:24

Alemu eswe azeyele kuli mwanangana Solomone hamuwika ni akwa ndundo ni ana a malunga a mwanangana David eswe nawa.

1 Timoteu 5:17

Makulwana waze akuyula kanawa, katela kwawezela ulemu, kuhiana chikolo kuli waze akukilikita mu milimo ya kwambujola liji ni kulongesa.

Rute 2:6

Mwe kapatashi ka akwa kucha mbuto yakumbulula ngwenyi, Yono mwe Ka-Moape wakatukile ku chifuchi cha Moape, wejile ni Noemi.