Ubutukilo 24:15 - MUKANDA USANDU WA ZAMBI 1975

¹⁵ Kwapwile shimbu kanda achimana kuhanjika kumanyi Rebeka, yoze wasemukine kuli Mbetule mwana wa Milika pwo lia Nehore yayo ya Apalahama kaneza ni mulondo wenyi ha chipaya.

Mukanda Wa Zambi 1970

¹⁵ Muze te kanda achimanununa kulemba, Rebeka yaheta ni mulondo wa meya ha yipaya. Tato Betuele. Betuele yono te mwana wa Milka, pwo lia Nahore, yayo ya Abrahama.

Ubutukilo 24:15 Iomraidhean Croise

Ubutukilo 11:27

Yisemuko ya Tera yino; Tera yasema Apalama, ni Nehore, ni Harane. Harane yasema Lote.

Ubutukilo 11:29

Ni Apalama ni Nehore yambata mapwo. Pwo lia Apalama jina lienyi Serai. Pwo lia Nehore jina lienyi Milika mwana wa Harane, iye kali ni ana aali, mukwo Milika mukwo Iseka.

Ubutukilo 21:14

Apalahama yalimeneka, yanda mbolo ni tuku ya meya, yayihana kuli Hekare nikumutwikayo ha chipaya, ni mwe mwana, chocho yaakatwisa. Mba mwe pwo yaya nikwendangana mu puya ya Mbia-shipa.

Ubutukilo 24:14

Mwe mwana-pwo yoze mungwamba ngwami, Ngunasakwila tula mulondo we ngunwe, mba iye mamba ngwenyi, Nwenu, mungunwisa tumelu twenu nawa, akapwe mwenawo hiwamutongola hali kavumbi ke Izake. Chocho mungunyingika ngwami, Hiwalweza utu wa zango lie kuli mwata wami.

Ubutukilo 24:24

Iye yamba kuli lunga ngwenyi, Yami nguli mwana wa Mbetule yoze Milika wamusemene kuli Nehore.

Ubutukilo 24:45

Shimbu kanda nguchimana kuhanjika chocho mu mbunge yami, kumanyi Rebeka kaneza ni mutondo wenyi ha chipaya. Yaya ku fuji lia meya, yataha. Mba namba kuli iye ngwami, Ngunasakwila, pe kama meya ngunwe.

Ubutukilo 25:20

Izake yapwa ni makumi awana a miaka muze ambachile Rebeka mwana Mbetule Ka-Seria wa ku Panda-narame, ndumbwa Lapane Ka-Seria.

Ubutukilo 29:5

Yamba ngwenyi, Lapane mwana wa Nehore nunamunyingika? Ngwo, Tunamunyingika.

Ubutukilo 29:9

Shimbu machihanjika no Rakele yeza ni mapanga a tato, mumu iye te wakwafunga.

Miaso (Masamu) 34:15

Meso a Yehova katala kuli akwa ululi. Matwi jenyi kajikuka ku muteto wo.

Miaso (Masamu) 65:2

Yena wakwivwa kulemba; kuli yena akwa musunya eswe meza.

Kutuhuka 2:16

Sasendote ya A-Mindiane wapwile ni anenyi a mapwo shimbiali. O yeza mukutaha meya. Yazalisa nawa yingolongolo akanwise yimuna ja tato.

Yishima 31:27

Kakutala kanawa ku ndako ja akwa zuwo lienyi; keshi kulia kulia cha uleya.

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Izaya 65:24

Mungukumbulula shimbu kanda achitambika; shimbu machihanjika mungwivwa.

Rute 2:17

Chocho yahuhujola mu munda ndo chingoloshi mba yazungula yize hahuhujola. Yapwile ngwe efa yimuwika ya sevada.

Rute 2:2

Mba Rute mwe Ka-Moape yamba kuli Noemi ngwenyi, Ngutayize kama kuya ku munda nikuhuhujola hakachi ka mbuto kunyima lia yoze manguvwila vumbi. Yamba kuli iye ngwenyi, Yako mwanami.

1 Samuel 9:11

Shimbu machikanduka mulundu ku chihunda atakanyine ni ana-mapwo anayi kutaha meya. Yamba kuli ayo ngwo, Mukwa kumona kwali?