Ubutukilo 24:1 - MUKANDA USANDU WA ZAMBI 1975

¹ Apalahama wapwile mukulwana, miaka yenyi hiyoka. Yehova te hawahisa Apalahama mu yuma yeswe.

Mukanda Wa Zambi 1970

¹ Abrahama te habwa kashinakaji. Mu mwono wenyi weswe Mwene Zambi yamuwahisa.

Ubutukilo 24:1 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 13:2

Apalama yapita yimuna, ni prata, ni oru yinji.

Ubutukilo 18:11

Alioze Apalahama ni Sara te hapwa makulwana, miaka yo yoka, te ndako ya mapwo hiyalitwamina kuli Sara.

Ubutukilo 21:5

Apalahama yapwa ni kulakaji Ha miaka muze asemene mwanenyi Izake.

Ubutukilo 24:35

Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 25:20

Izake yapwa ni makumi awana a miaka muze ambachile Rebeka mwana Mbetule Ka-Seria wa ku Panda-narame, ndumbwa Lapane Ka-Seria.

Ubutukilo 26:12

Izake yalima mu chifuchi chize, yacha mwaka uze wene ha chimuwika kulakaji, ha chimuwika kulakaji. Yehova yamuwahisa,

Ubutukilo 49:25

Kwe kuli Zambi ya tatenu yoze makakukwasa. Kuli mwe Mukwa-Ndundo-Jeswe yoze makakuwahisa ni yiwape ya mwilu, ni yiwape ya kalunga-lwiji watwama kushi. Ni yiwape ya mele, ni yiwape ya jimo.

1 Yitanga Ya Mianangana 1:1

Mwanangana David hapwa te mukulwana wa miaka yinji. Amufukile ni mahina hindu kevwile chivukuminya nichimwe.

Yishima 10:22

Chiwape cha Yehova kuchakupichisa, ni kechi kuwezako chinyengo.

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Luka 1:7

Alioze kapwile ni mwana, mumu te Izabele wapwile mumba, no eswe aali miaka yo hiyoka.

Galashia 3:9

Chocho akwa Ufulielo haawahisa hamwe ni Apalahama mwe mukwa ufulielo.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.