Ubutukilo 23:9 - MUKANDA USANDU WA ZAMBI 1975

⁹ Akangwehe chivwenge cha Makapela ali nacho, chatwama ku songo lia musenge wenyi. Akangwehecho hakachi kenu ngukachipite ha chifuka, ngumufwete ye ndando yeswe.

Mukanda Wa Zambi 1970

⁹ nyi mazanga kungulanjisa chivwenge cha Makapela chize chili ku songo lia munda wenyi. Angulanjise cho ku meso jenu ni ndando yeswe yize mazanga, hanga chibwe chifuka cha kufunda afu jami.”

Ubutukilo 23:9 Iomraidhean Croise

Ubutukilo 23:10

Efrone te kanatwama hakachi ka ana ja Hete, mba Efrone mwe Ka-Hete yakumbulula kuli Apalahama mu matwi ja ana ja Hete, waze eswe te anatwama mu chikolo cha limbo ngwenyi,

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 23:8

Yalishimwinya no ngwenyi, Nyi nunatá ngukafunde mufu wami kumeso jami, ngwivwenu, nunguhakwile kuli Efrone mwana wa Zohare.

Ubutukilo 25:10

Musenge uze Apalahama walanjile kuli ana ja Hete, kwenako afunjile Apalahama hamwe ni pwo lienyi Sara.

Ubutukilo 49:29

Mba yaaha shimbi ngwenyi, Mangutwala kuli atu jami. Nungufunde hamuwika ni atata mu chivwenge chili mu musenge wa Efrone mwe Ka-Hete.

Ubutukilo 50:13

Ana jenyi a malunga amumbachile nikumutwala ku chifuchi cha Kanana. Yamufunda mu chivwenge mu musenge wa Makapela chize Apalahama walanjile hamuwika ni we musenge, chikapwe chifuka cha kuhinga. Wachilanjile kuli Efrone mwe Ka-Hete kulutwe lia Mamare.

1 Sango Ja Mianangana 21:22

David yamba kuli Ornane ngwenyi, Ngwehe chihela chino cha chizungwilo, ngukatungileho chilumbilo kuli Yehova. Munguchilanda ni ye ndando yacho yeswe hanga akachize chilungo kuli atu.

1 Sango Ja Mianangana 21:24

Alioze mwanangana David yamba kuli Ornane ngwenyi, Hi chocho ko, alioze munguchilanda ni ye ndando yeswe. Mumu chichi kutambula niche nguchihane kuli Yehova, chipwe kulambula mulambu wa kulumba uze chafwetele.

A-ROMA 12:17

Kanda nufwetesa niumwe yipi ha yipi. Fupenu yuma yilemu kumeso ja atu eswe.

A-ROMA 13:8

Kanda nukapwa ni kongo kuli niumwe, shina kulizanga umwe ni mukwo ni mukwo: mumu yoze mazanga mukwo, hanamanununa shimbi jeswe.