Ubutukilo 23:6 - MUKANDA USANDU WA ZAMBI 1975

⁶ Panjikenu mwanangana. Nuli swana wa Zambi hakachi ketu. Kweswako munutongola hakachi ka mafuka jetu, fundenu afu jenu. Niumwe hakachi ketu manumina fuka lienyi hanga nukafunde afu jenu.

Mukanda Wa Zambi 1970

⁶ “Twalemba mwane, ivwenu. Yenu nuli mwata munene mu chifuchi chetu, nunahase kufunda mukwenu pwo mu fuka lize munutongola. Niumwe hakachi ketu manumina homa lienyi.”

Ubutukilo 23:6 Iomraidhean Croise

Ubutukilo 13:2

Apalama yapita yimuna, ni prata, ni oru yinji.

Ubutukilo 14:14

Muze Apalama yevwa ngwo, Usoko we hamukwata funge, yatwala atu jenyi a kufumba, waze asemukine mu zuwo lienyi, makulakaji atatu ni kumi ni nake, yaahanga ndo ku Ndane.

Ubutukilo 18:12

Kashika Sara yaseha muchima ngwenyi, Muze hinapwa kashinakaji te mungwivwa kuwaha, ni mwata wami nawa kashinakaji, nyi?

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 21:22

Ha mwaka uze Apimeleke ni kapitau ka tujita twenyi Fwikole yahanjika ni Apalahama ngwo, Zambi hwali hamwe ni yena mu yuma yeswe wakulinga.

Ubutukilo 23:5

Ana ja Hete yakumbulula kuli Apalahama ngwo,

Ubutukilo 23:7

Apalahama yakatuka, yalihetamina kumeso ja enya chifuchi, kuli e ana ja Hete.

Ubutukilo 24:18

Iye yamba ngwenyi, Nwenu mwane. Yatambuka, yaheteka mutondo ha kwoko, yamwaha meya.

Ubutukilo 24:35

Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 31:35

Rakele yamba kuli tato ngwenyi, Mwane, kanda utenuka chakatukile kumeso je mumu ndako ya mapwo yangukwata. Iye yafupa alioze kawanyine mahamba.

Ubutukilo 32:18

Mba muwamba ngwe, Wano eswe a kavumbi kenu Yakomba, te mulambu anatumu kuli yena Esau mwene wami. Iye kanatukaula kunyima.

Ubutukilo 42:10

O yamukumbulula ngwo, Ka, mwanangana, etu ngamba jenu mukulanda kulia tuneza.

Ubutukilo 44:5

Uno ngwami musenge mwata wami akunwinamo. Chipwe kutaha kakutahilamo ngombo. Chino nwalinganga, chipi.

Ubutukilo 44:8

Mbongo jize twajiwanyine mu njeke jetu twajinehene kuli yena, chize ku chifuchi cha Kanana. Mba kuchi mutuhasa kwiya prata hanji oru ku zuwo lia mwata we?

Kutuhuka 32:22

Arone yamba ngwenyi, Mwata, utenu we kanda usasaminya kama. Yena kuwanyingika e atu. Kanazange yipi.

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Rute 2:13

Mba pwo wambile ngwenyi, Mwata, vumbi unangulingi nikungulembejeka nikuhanjika ni utu kuli yami kavumbi kenu, chipwe chapwile kavumbi kenu.