Ubutukilo 23:16 - MUKANDA USANDU WA ZAMBI 1975

¹⁶ Mba Apalahama yapanjika kuli Efrone. Apalahama yapezalisa kuli Efrone je prata jize te havuluka mu matwi ja ana ja Hete; makulakaji awana a shekele ja prata. Mbongo akulanda najo akwa yitanda.

Mukanda Wa Zambi 1970

¹⁶ Abrahama yatayiza, mba yalula mbongo 400 ja prata, ndando yenayo echile Efrone ku meso ja Ahite eswe.

Ubutukilo 23:16 Iomraidhean Croise

Ubutukilo 23:15

Mwanangana, panjikenu kuli yami. Kachipinji ka mavu kafwika makulakaji awana a shekele ja prata, te chimwe hakachi ka yami ni yena, nyi? Kashika fundenu mufu wenu.

Ubutukilo 43:21

Alioze ha kuheta ku chipombelo twajitwile njeke jetu, kumanyi mbongo ja mutu mweswe twajiwanyine mu njeke yenyi, mbongo jeswe nikulita ni pezu. Kashika hitwajineha mu kwoko.

Ubutukilo 49:29

Mba yaaha shimbi ngwenyi, Mangutwala kuli atu jami. Nungufunde hamuwika ni atata mu chivwenge chili mu musenge wa Efrone mwe Ka-Hete.

Ubutukilo 50:13

Ana jenyi a malunga amumbachile nikumutwala ku chifuchi cha Kanana. Yamufunda mu chivwenge mu musenge wa Makapela chize Apalahama walanjile hamuwika ni we musenge, chikapwe chifuka cha kuhinga. Wachilanjile kuli Efrone mwe Ka-Hete kulutwe lia Mamare.

2 Samuel 14:26

Muze alitewile, wapezalishile kambu ja ha mutwe wenyi—kulakaji aali a shekele nikulita ni pezu ja mwanangana. Walitewile miaka yeswe ha songo lia mwaka; wevwile kulema cha kambu, kashika walitewile.

2 Samuel 24:24

Alioze mwanangana yamba kuli Arauna ngwenyi, Hi chocho ko. Munguchilanda pundu kuli yena ni ndando. Chikwo nawa, chichi kulambula kuli Yehova Zambi yami mulambu wa kulumba uze chaufwetelele ndando. Chocho David yalanda chizungwilo ni ngombe ha ndando ya makumi atano a shekele ja prata.

Jobe 28:15

Kechi kahasa kwalanda ni oru; kechi kahasa kupezala ndando yo ni prata.

Kutuhuka 30:13

Eswe mapalika kuli waze hanaalula mutu mweswe akahane chino ngwo, Chihanda cha hakachi cha shekele nikulita ni shekele ya muma musandu (ye shekele kuyafwika makumi aali a ngera). Chihanda cha hakachi cha shekele chikapwe mulambu kuli Yehova.

Jeremia 32:10

Yingusoneka jina liami ha mukanda wa munda, nikusaho Chijikilo, ni kusanyika yela, ni kupezalisa mbongo ha mbalansa.

Jeremia 32:9

Yingulanda we munda ku Anatote kuli musonyami Hanamele nikumupezalishila je mbongo, kumi lia shekele ja prata ni shekele ja prata shimbiali.

Ezekiel 45:12

Shekele muyikapwa ya makumi aali a ngera; shekele jitano mujikapwa shekele jitano, ni shekele kumi mujikapwa shekele kumi, ni mina yenu muyikapwa ya makumi atano a shekele.

Zakaria 11:12

Yingwamba ngwami, Nyi chanupemena-ngwehenu fweto yami. Nyi ka litwaminenu. Chocho yangupezalishila ha fweto yami makumi atatu a mbongo ja prata.

Mateu 7:12

Yuma yeswe kashika nunazange atu akanulinge, chizechene lingenu kuli ayo: mumu chino ye shimbi ni ye yiyulo ya aprofeta.

Yilinga 7:16

mba aatwalile ku Shekeme, aafunjile mu fuka lize alanjile Apalahama ni ndando ya mbongo kuli ana ja Hamore mu Shekeme.

A-ROMA 13:8

Kanda nukapwa ni kongo kuli niumwe, shina kulizanga umwe ni mukwo ni mukwo: mumu yoze mazanga mukwo, hanamanununa shimbi jeswe.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.