Ubutukilo 23:11 - MUKANDA USANDU WA ZAMBI 1975

¹¹ Hi chocho ko, mwanangana, ngwivwenu. Ni we musenge ngunanwehewo, ni che chivwenge ngunanwehecho. Kumeso ja ana ja atu jami ngunanweheyo. Fundenu mufu wenu.

Mukanda Wa Zambi 1970

¹¹ “Hi chocho ko mwanangana, ngwivwenu. Hi chivwenge wika ko, alioze ni lie tungu Heswe ngunwehe lio ku meso ja atu eswe, hanga nufunde mo mufu wenu.”

Ubutukilo 23:11 Iomraidhean Croise

Ubutukilo 23:12

Apalahama yalihetamina kumeso ja enya chifuchi.

Ubutukilo 23:18

kuli Apalahama yikapwe niyenyi, kumeso ja ana ja Hete kumeso ja eswe anjilile ku chikolo cha limbo lienyi.

Ubutukilo 23:6

Panjikenu mwanangana. Nuli swana wa Zambi hakachi ketu. Kweswako munutongola hakachi ka mafuka jetu, fundenu afu jenu. Niumwe hakachi ketu manumina fuka lienyi hanga nukafunde afu jenu.

Izaya 32:8

Alioze mutu wa mbunge yipema kakunyonga yuma yipema, ni ku yuma yipema kanajikijila.

Kwalula 35:30

Mweswawo mashiha mutu, akashihe chingalwe ku Shindakenyo ya yela, alioze chela umuwika kanda akumisa mutu hanga afwe.

Luka 19:24

Iye wambile kuli waze amanyineko ngwenyi, Chizenu kuli iye lumbongo, numuhane kuli yoze uli ni kumi lia mbongo.

Shimbi 17:6

Yoze chatamba kufwa, akafwe ku Shindakenyo ya yela aali, hanji atatu. Kanda munushiha ku Shindakenyo ya chela umuwika.

Shimbi 19:15

Chela umuwika kanda akatukila mutu mumu ha uhenge umwe, chipwe ha mulonga umwe, ha mulonga weswawo iye mavulumuna; ku makanwa a yela aali, chipwe ku makanwa a yela atatu, chikuma chikakole.

Rute 4:1

Mba Mboaze wayile ku chikolo cha chihunda, yatwamako. Kumanyi mwe usoko wa ha muchima yoze Mboaze hamuvuluka yapalika. Mba Mboaze yamba ngwenyi, A mukwetu tweya ku kuno Utwame. Iye yeza, yatwama.

Rute 4:11

Aho atu eswe apwile mu chikolo hamwe ni makulwana yamba ngwo, Tuli yela. Ni yono pwo ananjila mu zuwo lie, Yehova akamupwise ngwe Rakele ni Liya waze hamuwika asangwile munyachi wa Izalele. Ukawahe mu Efrata, ukafumane mu Mbeteleme.

Rute 4:4

Kashika namba ngwami, Mungukulwezacho, ngwami, Uchilande kumeso ja wano anatwama kuno, ni kumeso ja makulwana ja atu jami. Nyi muchikula, kulako; alioze nyi kwazangile ungulweze nguchinyingike, mumu niumwe mukwo wakuhi helu lia yena, ni yami ngunakuhate ha kota. Iye yakumbulula ngwenyi, Munguchikula.

Rute 4:9

Mba Mboaze yamba kuli makulwana ni kuli atu eswe ngwenyi, Enu nuli yela musono. Ami ngunalande ku kwoko lia Noemi cheswe chapwile cha Elimeleke ni cheswe chapwile cha Chilione ni cha Malone.