Ubutukilo 22:8 - MUKANDA USANDU WA ZAMBI 1975

⁸ Apalahama yamba ngwenyi, Mwanami, Zambi kumakaliwanyina mwana-panga wa mulambu wa kulumba. Chocho ayile eswe ni aali hamuwika.

Mukanda Wa Zambi 1970

⁸ Abrahama ngwenyi: “Zambi mwene matwaha panga wa mulambu wa kwocha.” Mba yaaya.

Ubutukilo 22:8 Iomraidhean Croise

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Ubutukilo 22:14

Apalahama yalukako jina ngwenyi, Yehova-yile. Chocho kakwamba ndo musono ngwo, Mu mulundu wa Yehova kumakachimona.

Ubutukilo 22:7

Izake yamba kuli tato Apalahama ngwenyi, Tata. Iye yamba ngwenyi, Yami uno, mwanami. Iye yamba ngwenyi, Tala kahia ni kunyi, alioze mwana-panga wa mulambu wa kulumba, ulihiye?

Ubutukilo 22:9

Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

1 MIANANGANA 2:6

Eliya yamba kuli iye ngwenyi, Sala kama kuno, mumu Yehova hangutuma ku Yordau. Aye ngwenyi, Ni mwono wa Yehova, ni mwono wa mbunge ye, chichi kulihandununa ni yena. Chocho o aali ayile.

2 Sango Ja Mianangana 25:9

Amazia yamba kuli mutu wa Zambi ngwenyi, Alioze kuchi mutulinga ha kulakaji lia *talentu hinahana kuli maswalale a Izalele. Mutu wa Zambi yakumbulula ngwenyi, Yehova kanahase kukwaha upite kuhiana uno.

Mateu 19:26

Yesu nikutala meso kuli ayo, wambile ngwenyi, Kuli atu kuchishi kuhasa; alioze kuli Zambi yuma yeswe muyihasa kupwa.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 1:36

iye watalile kuli Yesu shimbu anende, yamba ngwenyi, Talenu mwe Mwana-panga wa Zambi!

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 5:12

Kanambe ni liji linene ngwo, Mwe Mwana-panga yoze hanamushihi katela kutambula tachi, ni upite, ni mana, ni ngolo, ni ulemu, ni uhenya, ni lufuma.

Usolwelo 5:6

Mba namwene mukachi ka ngunja ni akwa mwono awana, ni mukachi ka makulwana, mwana-panga kanamana ngwe hamushiha, kali ni mbinga shimbiali, ni meso shimbiali, eno maspiritu shimbiali a Zambi a kutumiwa hashi heswe.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.