Ubutukilo 22:6 - MUKANDA USANDU WA ZAMBI 1975

⁶ Mba Apalahama yanda kunyi ja mulambu wa kulumba, yajitwika hali mwanenyi Izake. Yambata kahia ni poko mu kwoko lienyi. Chocho eswe ni aali ayile hamuwika.

Mukanda Wa Zambi 1970

⁶ Abrahama yatwika Isake kunyi ajimbate. Iye mwene yambata kahia ni poko. Yaaya hamuwika.

Ubutukilo 22:6 Iomraidhean Croise

Ubutukilo 22:5

Apalahama yamba kuli akweze jenyi ngwenyi, Salenu kuno ni chimbulu shimbu yami ni mwanami mutuya kuze. Mutuwayila mba mutwiza nawa kuno nuli.

1 MIANANGANA 2:6

Eliya yamba kuli iye ngwenyi, Sala kama kuno, mumu Yehova hangutuma ku Yordau. Aye ngwenyi, Ni mwono wa Yehova, ni mwono wa mbunge ye, chichi kulihandununa ni yena. Chocho o aali ayile.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Mateu 8:17

Hanga chikamanunuke chize ahanjikile ku kanwa lia profeta Izaia ngwenyi, Iye mwene wanjile kukokoloka chetu, wambachile misongo yetu.

Yoano 19:17

Iye watuhukile nikumbata kulusu yenyi, akaye kuze anavuluka ngwo, Kavwale, kuze anavulukako mu limi lia Hepreu ngwo, Ngolongota:

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.