Ubutukilo 22:3 - MUKANDA USANDU WA ZAMBI 1975

³ Chocho Apalahama yalimeneka chimenemene, yalulika chimbulu chenyi, yatwala akweze jenyi aali hamwe nenyi, ni mwanenyi Izake. Yapula kunyi ja mulambu wa kulumba, yakatuka, yaya kuma kuze Zambi te hamulweza.

Mukanda Wa Zambi 1970

³ Abrahama yalimeneka, yachaya kunyi ja kwochela mulambu, yajikashila ha chimbulu, yabwila mu jila hamwe ni Isake ni ngamba jenyi aali. Yaaya kuma kuze amulwezele Zambi.

Ubutukilo 22:3 Iomraidhean Croise

Ubutukilo 17:23

Mba Apalahama yatwala mwanenyi, Ishemali ni waze eswe asemukine mu zuwo lienyi, ni waze eswe a kulanda ni mbongo, malunga eswe hakachi ka atu a ku zuwo lia Apalahama, yaapwisa eswe ngalami mu musunya wo tangwa lioliene ngwe Zambi hamwamba.

Ubutukilo 21:14

Apalahama yalimeneka, yanda mbolo ni tuku ya meya, yayihana kuli Hekare nikumutwikayo ha chipaya, ni mwe mwana, chocho yaakatwisa. Mba mwe pwo yaya nikwendangana mu puya ya Mbia-shipa.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Ubutukilo 22:4

Ha tangwa liamuchitatu yahetula meso jenyi, yamona kuma kuze kusuku.

Miaso (Masamu) 119:60

Natambukile, chalalukile ha kufunga shimbi je.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Mateu 10:37

Yoze mafwila tato hanji naye kuhiana yami, kangutelele; yoze mafwila mwanenyi wa lunga, hanji mwanenyi wa pwo kuhiana yami, kangutelele.

Luka 14:26

Kachi mutu meza kuli yami, keshi kuvwila kole tato, ni naye, ni mukwo-pwo, ni anenyi, ni ayayo, ni ana-akwo, ni mandumbu jenyi, ewa, ni mwono wenyi mwene nawa, kahashile kupwa kambaji kami.

Galashia 1:16

mukusolola Mwanenyi muli yami, hanga ngukamwambujole hakachi ka akwa mavungu; haze hene chahanjikile ni atu a musunya ni manyinga,

Hebreu 11:8

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya.

Yoshua 3:1

Ha chimenemene Yoshua yakatuka ku Shitime hamuwika ni A-Izalele eswe. Yaheta ku Yordau, yapombako shimbu kanda azauka.

Yoshua 8:10

Yoshua yalimeneka chimenemene, yakungulula atu, yakanduka hamuwika ni makulwana a Izalele kulutwe lia atu ku Ayi.