Ubutukilo 22:23 - MUKANDA USANDU WA ZAMBI 1975

²³ Mbetule yasema Rebeka. Wano nake Milika wasemene kuli Nehore yayo ya Apalahama.

Mukanda Wa Zambi 1970

²³ tato ya Rebeka. Milka yasema ana a malunga wano nake ni lunga lienyi Nahore, yayo ya Abrahama.

Ubutukilo 22:23 Iomraidhean Croise

Ubutukilo 11:29

Ni Apalama ni Nehore yambata mapwo. Pwo lia Apalama jina lienyi Serai. Pwo lia Nehore jina lienyi Milika mwana wa Harane, iye kali ni ana aali, mukwo Milika mukwo Iseka.

Ubutukilo 22:22

ni Chesede, ni Hazo, ni Pilitashi, ni Yilape, ni Mbetule.

Ubutukilo 22:24

Mba konkubina yenyi jina lienyi Rehuma iye nawa wasemene Tepa, ni Ngahame, ni Tahashi, ni Maka.

Ubutukilo 24:15

Kwapwile shimbu kanda achimana kuhanjika kumanyi Rebeka, yoze wasemukine kuli Mbetule mwana wa Milika pwo lia Nehore yayo ya Apalahama kaneza ni mulondo wenyi ha chipaya.

Ubutukilo 24:24

Iye yamba kuli lunga ngwenyi, Yami nguli mwana wa Mbetule yoze Milika wamusemene kuli Nehore.

Ubutukilo 24:47

Namuhula ngwami, Yena uli mwana waya? Aye ngwenyi, Yami mwana wa Mbetule wa Nehore yoze Milika wamusemenene. Chocho namusanga kazeya ha zulu ni yijingo ha moko jenyi.

Ubutukilo 24:51

Tala Rebeka kwali kumeso je, umutambule, uye nenyi akapwe pwo lia mwana wa mwata we, chizechene ngwe Yehova hanambe.

Ubutukilo 24:60

Yawahisa Rebeka ngwo, Ndumbwetu ukapwe semi ya tununu ni makumi a tununu. Munyachi we akazuke chajilo cha akwa kole jo.

Ubutukilo 24:67

Mba Izake yatwala Rebeka mu mbalaka ya naye Sara, yamumbata yapwa pwo lienyi. Izake wamuzangile, walilembejekele nenyi ha kufwa cha naye.

Ubutukilo 25:20

Izake yapwa ni makumi awana a miaka muze ambachile Rebeka mwana Mbetule Ka-Seria wa ku Panda-narame, ndumbwa Lapane Ka-Seria.

Ubutukilo 28:2

Katuka uye ku Panda-narame ku zuwo lia Mbetule tato ya noko, ukambateko pwo wa kuli ana ja Lapane ndumbwa-noko.

Ubutukilo 28:5

Chocho Izake yatuma Yakomba. Yaya ku Panda-narame kuli Lapane mwana wa Mbetule Ka-Seria, ndumbu ya Rebeka, chisemi cha Yakomba ni Esau.

A-ROMA 9:10

Hi chize ko wika; alioze Rebeka nawa se wasesekele ufumba kuli umwe, iye kulwetu Izake.