Ubutukilo 22:2 - MUKANDA USANDU WA ZAMBI 1975

² Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Mukanda Wa Zambi 1970

² Zambi ngwenyi: “Anda mwana yono Isake, yoze wakuzanga kuhiana, yako nenyi ku chifuchi cha Moria, ukangula mbule ye ha mulundu uze mungukakulweza.”

Ubutukilo 22:2 Iomraidhean Croise

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 21:12

Alioze Zambi yamba kuli Apalahama ngwenyi, Kanda chipwa chikalu kumeso je mumu ha mukunda wa mwana ni ndungo ye wa pwo. Cheswacho Sara makwamba, panjika ku liji lienyi, mumu muli Izake makavuluka munyachi we.

Ubutukilo 21:3

Mwanenyi yasemuka kuli iye, yoze te Sara yamusemena, Apalahama yamuluka jina ngwenyi, Izake.

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

Ubutukilo 22:16

Hinalishinga ni jina liami mwene, chocho anambe Yehova ngwenyi, Mumu walinga chuma chino, kwanguminyine mwané, mwe wa wika;

Ubutukilo 22:3

Chocho Apalahama yalimeneka chimenemene, yalulika chimbulu chenyi, yatwala akweze jenyi aali hamwe nenyi, ni mwanenyi Izake. Yapula kunyi ja mulambu wa kulumba, yakatuka, yaya kuma kuze Zambi te hamulweza.

Ubutukilo 22:9

Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

Ubutukilo 8:20

Mba Noe yatunga chilumbilo kuli Yehova. Yanda a kuli tushitu eswe akulinanga, ni a kuli tujila eswe akulinanga, yalambula milambu ya kulumba ha chilumbilo.

1 MIANANGANA 3:27

Henaho yatambula mwanenyi wa mukulwana, mwe swana, yamutenga mulambu wa kulumba ha chipanga-cha-mawe. Kwapwile ufwatulo wunji hali A-Izalele. Chocho yamwecha yahiluka ku chifuchi cho ene.

2 Sango Ja Mianangana 3:1

Henaho Solomone yaputuka kutunga zuwo lia Yehova ku Yerusaleme ha mulundu wa Moria kuze Yehova wasolokele kuli tato David, ha chihela David halulika ha chizungwilo cha Ka-Yepushe Ornane.

Mika 6:7

Yehova mevwa kuwaha ni tununu twa kuji a mapanga hanji ni kumi lia tununu a njiji ja maji? Munguhasa kuhana mwanami mutangu ha mutonga wami hanji muhuko wa mujimba wami ukafwike shili ya mbunge yami?

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

A-ROMA 5:8

Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

Hebreu 11:17

Ku Ufulielo Apalahama, muze amwesekele, walambwile Izake, ni yoze watambwile yilakenyo kushi walambwile mwanenyi wa wika,

Akwa Kuyula 11:31

mweswawo matuhuka ku chikolo cha zuwo liami kungupatwiza muze munguhiluka ha kukumba A-Amone, mapwa wa mbala wa Yehova, mba mungumulumba mulambu wa kulumba.

Akwa Kuyula 11:39

Kulutwe lia tukweji aali yahiluka kuli tato mba yamulinga nikulita ni shingo lienyi. Kanda achilimona ni lunga nilimwe tangwa. Chocho chalumukine ndako mu Izalele,