Ubutukilo 22:17 - MUKANDA USANDU WA ZAMBI 1975

¹⁷ kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Mukanda Wa Zambi 1970

¹⁷ mungukakuwahisa, mungukokesa vungu lie. Maakabwa ngwe matangonoshi a mwilu hanji ngwe masekeseke a ku mbumbulu ya kalunga lwiji. Maakakumbakumba akwa kole jo.

Ubutukilo 22:17 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Ubutukilo 15:5

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Ubutukilo 17:6

Mungukakupwisa semi kuhiana. Kuli yena mungutanga mavungu, chipwe mianangana kumakatuhuka muli yena.

Ubutukilo 24:60

Yawahisa Rebeka ngwo, Ndumbwetu ukapwe semi ya tununu ni makumi a tununu. Munyachi we akazuke chajilo cha akwa kole jo.

Ubutukilo 25:11

Kulutwe lia kufwa cha Apalahama Zambi wawahishile mwanenyi Izake. Izake Watwamine ku Mbia-ha-rohi.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 26:4

Mungukokesa munyachi we ngwe matongonoshi a mwilu. Ku munyachi we mungukahana yifuchi yino yeswe, mba mu munyachi we mavungu eswe a hashi makawaha.

Ubutukilo 28:3

Zambi Mukwa-Ndundo-Jeswe akakuwahise, akakwehe ana, akakwokese ukapwe chendo cha mavungu.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 32:12

Wambile ngwe, Pundu mungukakulinga yipema, mungukapwisa munyachi we ngwe masekeseke a kalunga-lwiji, kechi kuhasa kwaalula mumu anji.

Ubutukilo 32:13

Yapombako ufuku uze. Yanda mulambu wa ku yuma yeswe apwile nayo akahane kuli yayo Esau.

2 Samuel 17:11

Alioze kuli yami ngunamono hapwa A-Izalele eswe akungulukile kuli yenu chize ku Ndane ndo ku Mbia-shipa ngwe masekeseke a ku ngenge ya kalunga-lwiji mumu ha kupwa anji. Ni yenu nukaye ku jita yenwene.

1 Yitanga Ya Mianangana 4:20

A-Yunda ni A-Izalele atu anji ngwe masekeseke ha ngenge ya kalunga-lwiji, te kanali, kananu, nikuwahilila.

1 Yitanga Ya Mianangana 9:26

Mwanangana Solomone yatunga nawa milumba ya mato ku Ezione-Ngebere hakamwihi ni Elote ku ngenge ya Kalunga-lwiji Muchila mu chifuchi cha Endome.

1 Sango Ja Mianangana 27:23

Alioze David kalwile atu kushi lia makumi aali a miaka. Mumu Yehova te hanambe ngwenyi, Mungwokesa A-Izalele ngwe matongonoshi a mwilu.

2 Sango Ja Mianangana 1:9

Kashika, Yehova Zambi, kolesa chilakenyo che kuli tata David; mumu hiwangupwisa mwanangana wa vungu limwe liapwa ngwe fufuta ha kwoka.

Nehemia 9:23

Wokesele ana jo nawa ngwe matongonoshi a mwilu; waanjishile mu chifuchi chize wambile kuli atato ngwe, Mununjila ni kuchitambula.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Izaya 48:19

Kachi ana jenu hapwa ngwe masekeseke, ni waze masemuka kuli yenu hapwa ngwe mawundu ja masekeseke. Kachi jina lio nilimwe tangwa muujimuka hanji kunonga kumeso jami.

Jeremia 32:22

Waahele chifuchi chino te hiwalishinga ni tulamba two kwaahacho; chifuchi kuze kunokela yamwa ni wuchi.

Jeremia 33:22

Chizechene ngwe akwa mwilu kechi kuhasa kwaalula, ni masekeseke a ku kalunga-lwiji kechi kahasa kwaeseka, chocho mungwokesa waze masemuka kuli kavumbi kami David, ni asasendote ja Levi waze akunguvumbika.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Hosea 2:1

Amba kuli mandumbu je a malunga ngwe, Ami. Amba kuli mapangie ngwe, Ruhama.

Mika 1:9

Mumu mbandu jenyi kechi kahasa kujiwuka; hijaheta ndo ku Yunda, hijaheta ndo ku chikolo cha atu jami, kwe ku Yerusaleme.

A-ROMA 4:13

Mumu hi ku shimbi ko, chilakenyo chapwile kuli Apalahama, hanji ku munyachi wenyi, akapwe swana ya hashi, alioze ku ululi wa Ufulielo.

A-ROMA 9:27

Alioze Izaia kanatete ha kutwala kuli akwa Izalele ngwenyi, Kachi ha kwalula ana a Izalele mapwa chizechene ngwe masekeseke a ku kalunga-lwiji, masalila wika makaalamwina:

1 Korintu 15:57

alioze tusakwilenu kuli Zambi, yoze wakutwaha kukumba ku tachi ja Mwene wetu Yesu Kristu.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Shimbi 1:10

Yehova Zambi yenu hananwokesa. Kumanyi musono, kunwapwa mbunga ngwe matongonoshi a mwilu.

Shimbi 1:11

Yehova, Zambi ya tulamba twenu, akanwokese mutu ni mutu nukapwe tununu, akanuwahise, ngwe iye walakenyene.

Shimbi 10:22

Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 13:18

ha kuzeya ku liji lia Yehova Zambi yenu mukufunga maliji jenyi a shimbi eswe ngunanwambe musono, mukulinga chize chinate kumeso ja Yehova Zambi yenu.

Shimbi 21:19

Tato ni naye amukwate, amuhetese kuli makulwana a limbo lienyi, ndo ku chajilo cha chihela chenyi.

Hebreu 11:12

kashika nawa kwakatukile kuli umuwika, iye ngwe mufu, anji ngwe matongonoshi a mwilu, ngwe masekeseke aze ali ku sesa lia Kalunga-lwiji, keshi kuhasa kwaalula.

Hebreu 6:14

Chamwenemwene, kuwahisa, kumungukakuwahisa, kwokesa kumungukakwokesa.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.