Ubutukilo 22:16 - MUKANDA USANDU WA ZAMBI 1975

¹⁶ Hinalishinga ni jina liami mwene, chocho anambe Yehova ngwenyi, Mumu walinga chuma chino, kwanguminyine mwané, mwe wa wika;

Mukanda Wa Zambi 1970

¹⁶ “Mwene Zambi kanambe ngwenyi: ‘Hinalishinga mu jina lia yami mwene, mumu ha Chuma chino hiwalinga, kuwalitunyine kungulambula mwane, chibwe kali lume umuwika,

Ubutukilo 22:16 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

Ubutukilo 22:15

Mungelo wa Yehova mwilu yasanyika Apalahama kakwo kamuchiali ngwenyi,

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Ubutukilo 26:5

Mumu Apalahama wononokene ku liji liami, wafungile shiko liami, ni shimbi jami, ni yiyulo yami, ni yilakenyo.

1 Sango Ja Mianangana 16:16

Usendo uze akolesele ni Apalahama, ni liji lienyi lia kulishinga kuli Izake.

Miaso (Masamu) 105:9

Usendo uze akolesele ni Apalahama, ni liji lienyi lia kulishinga kuli Izake.

Kutuhuka 17:16

Ngwenyi, Yehova walishinga ni shingo, Yehova kumakása jita ni A-Amaleke chize ku chisemuko chimwe ndo ku chisemuko chikwo.

Kutuhuka 2:24

Zambi wevwile mikuma yo. Zambi yewuluka usendo wenyi uze akolesele ni Apalahama ni Izake ni Yakomba.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Izaya 45:23

Nalishingile ni yami mwene. Liji limwe hiliatuhuka mu kanwa liami mu ululi, kulichi kuhasa kuhiluka kunyima, ngwami, Kungunwa lieswe mulikazondama kuli yami, ni limi lieswe mulikalishinga.

Jeremia 22:5

Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Jeremia 44:26

Kashika ivwenu liji lia Yehova enu A-Yunda eswe nwatwama mu chifuchi cha Engitu. Yehova kanambe ngwenyi, Hinalishinga ni jina liami linene ngwami, Jina liami kechi kulitongola nawa ni kanwa lia mutu niumwe Ka-Yunda mu chifuchi cha Engitu ngwenyi, Ni mwono wa Mwene Yehova.

Jeremia 49:13

Mumu yami Yehova hinalishinga ni yami mwene, ngwami, Mbozera malumuka chuma cha mwongo, kanda luchoko, kanda puya, kanda shingo, ni yihunda yako yeswe muyipwa puya ya mutolo.

Jeremia 51:14

Yehova-wa-Tujita halishinga ni iye mwene ngwenyi, Pundu munguzalisako ni malunga, kwoka ngwe makumbi, mba o makalumuka hali yena ni liji lia kukumba.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Amose 6:8

Yehova mwe Zambi-ya-Tujita ngwenyi, Mwene Yehova halishinga ni jina lienyi mwene ngwenyi, Kulengumuka cha Yakomba changuvwisa lwaji; mbonge jenyi jangupihila, kashika mungukunjika chihunda ni yize yeswe yilimo.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Luka 1:73

Shingo lize walishingile kuli kulwetu Apalahama,