Ubutukilo 22:12 - MUKANDA USANDU WA ZAMBI 1975

¹² Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

Mukanda Wa Zambi 1970

¹² Kanganda ngwenyi: “Kanda umulemeka, kanda umulinga chibi. Haliabwila ngunanyingika ngwami, kuma wakulemesa Zambi, mumu kuwalitunyine kulambula mwane mulambu kuli Zambi, chibwe kali lume umuwika.”

Ubutukilo 22:12 Iomraidhean Croise

Ubutukilo 20:11

Apalahama yamba ngwenyi, Mumu nanyonga ngwami, Akuno kukushi woma wa Zambi, kashika mangushiha mumu hali pwo liami.

Ubutukilo 22:13

Apalahama yahetula meso jenyi, yatala, kumanyi kunyima yenyi kuji ya panga kanasakaminya ku mbinga jenyi mu lutandulwila. Mba Apalahama yanda mwe kuji ya panga yamulambula wa kulumba kusalakana mwanenyi.

Ubutukilo 22:16

Hinalishinga ni jina liami mwene, chocho anambe Yehova ngwenyi, Mumu walinga chuma chino, kwanguminyine mwané, mwe wa wika;

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Ubutukilo 26:5

Mumu Apalahama wononokene ku liji liami, wafungile shiko liami, ni shimbi jami, ni yiyulo yami, ni yilakenyo.

Ubutukilo 42:18

Ha tangwa liamuchitatu José yamba kuli ayo ngwenyi, Lingenu chino hanga nutwame ni mwono, mumu ni yami woma wa Zambi nguli nawo.

Nehemia 5:15

Alioze akwa kuyula a kushi shimbu kanda ngwiza, o yaalisa kuli atu. Yatambula kuli ayo mbolo ni vinyu helu lia makumi awana a shekele ja prata. Chipwe tuvumbi two alumukine akwa kuyula atu. Alioze yami chalingile chocho mumu ha woma wa Zambi.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Jobe 5:19

Makupulula kasambano ku lamba, kashimbiali kechi kutayiza chipi kukukundama.

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Miaso (Masamu) 2:11

Vumbikenu Yehova ni woma. Wahililenu nikuchikima.

Miaso (Masamu) 25:12

Mutu yoze wakuvwila woma Yehova iya? Mwenawo mamulongesa jila yize mayitongola.

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Kutuhuka 20:20

Mose yamba kuli e atu ngwenyi, Kanda nwivwa woma mumu Zambi heza mukunweseka, hanga woma wenyi ukapwe kumeso jenu, hanga kunuchi kavulumuna.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Jeremia 19:5

Hatunga manangamo kuli Mbale akalumbe ana jo a malunga mu kahia apwe milambu ya kulumba kuli Mbale. Chuma chino chachitumine, chipwe kuchamba, chipwe mu mbunge yami kuchanjilile.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Mateu 19:29

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

A-ROMA 5:8

Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

1 Korintu 10:13

Nichimwe cheseko kuchanukwachile shina chize cha kulita ni chisemewa cha atu; alioze Zambi wamwenemwene, iye kechi katayiza akanweseke kuhiana chize munuhasa; alioze hamwe ni cheseko makanumwesa jila ya kutuhukamo hanga nukahase kunyongonona.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.

Hebreu 11:19

se kanashinginyeka ngwenyi, Zambi kanahase kumuhindwisa, chipwe hahachi ka afu, muze mwene nawa ngwe mu Chizulie wamutambwile.

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.

Tiangu (Jake) 2:18

Alioze umwe mamba ngwenyi, Yena Ufulielo uli nawo, ni yami yitanga nguli nayo; ngulweze Ufulielo we kuushi yitanga, ni yami ku yitanga yami mungukulweza Ufulielo wami.

Usolwelo 19:5

Ni liji liatuhukile mu ngunja, ngwo, Halisenu Zambi yetu, yenu eswe ndungo jenyi, yenu nwakumuvwila woma, akepe ni anene.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.