Ubutukilo 22:1 - MUKANDA USANDU WA ZAMBI 1975

¹ Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Mukanda Wa Zambi 1970

¹ Kulutwe lia amwe matangwa Zambi yeseka Abrahama. Yamutambika ngwenyi: “Abrahama!” Abrahama ngwenyi: “Ewa, mwane.”

Ubutukilo 22:1 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 21:11

Chuma chino chapwile chikalu kumeso ja Apalahama ha mukunda wa mwanenyi.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 22:7

Izake yamba kuli tato Apalahama ngwenyi, Tata. Iye yamba ngwenyi, Yami uno, mwanami. Iye yamba ngwenyi, Tala kahia ni kunyi, alioze mwana-panga wa mulambu wa kulumba, ulihiye?

Ubutukilo 37:13

Mba Izalele yamba kuli José ngwenyi, Ayayenu analisa mapanga mu Shekeme. Tweya ngukutume kuli ayo. Iye yamba ngwenyi, Yami uno.

Ubutukilo 46:2

Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno.

2 Samuel 24:1

Kulutwe nawa utenu wa Yehova wakasumukine hali A-Izalele mba wasa ngumwine David kwalinga chipi ngwenyi, Yako Ualule A-Izalele ni A-Yunda.

2 Sango Ja Mianangana 32:31

Alioze ha chikuma cha mikeji a kuli alemu a Babilonia waze atumine kuhula ha yipupu yize alingile mu chifuchi, Zambi yamwecha akamweseke akanyingike yize yeswe ya mu mbunge yenyi.

Miaso (Masamu) 11:5

Yehova kakweseka akwa ululi, alioze kakuvwila kole yingulungulu ni waze akuzanga upupilo.

Kutuhuka 16:4

Henaho Yehova yamba kuli Mose ngwenyi, Mungukanunokesela mbolo ya kukatuka kwilu. Atu makatuhuka akalinge kulia cha tangwa ha tangwa hanga yami ngukaeseke, shina o makenda mu shimbi yami, shina ka.

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

1 Korintu 10:13

Nichimwe cheseko kuchanukwachile shina chize cha kulita ni chisemewa cha atu; alioze Zambi wamwenemwene, iye kechi katayiza akanweseke kuhiana chize munuhasa; alioze hamwe ni cheseko makanumwesa jila ya kutuhukamo hanga nukahase kunyongonona.

Shimbi 13:3

kanda nupanjika maliji a yoze profeta, hanji yoze mukwa kulota yilota, mumu Yehova Zambi yenu ananweseka kunyingika nyi nunazange Yehova Zambi yenu ni mbunge jenu jeswe, ni alma jenu jeswe.

Shimbi 8:16

Iye wanulishile maná mu puya, akakenu kayinyingikine, hanga anulelese, hanga anweseke, mba ha kusula akanulinge chipema.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Hebreu 11:17

Ku Ufulielo Apalahama, muze amwesekele, walambwile Izake, ni yoze watambwile yilakenyo kushi walambwile mwanenyi wa wika,

Tiangu (Jake) 2:21

Te kasambishile kulwetu Apalahama ku yitanga muze alambwile mwanenyi Izake ha chilumbilo, nyi?

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu:

Akwa Kuyula 2:22

hanga ngukeseke A-Izalele kuli ayo kumona nyi matala kanawa kwenda mu jila ya Yehova ngwe tulamba two endele, nyi ka.

1 Samuel 3:4

Yehova yasanyika Samuel. Iye yakumbulula ngwenyi, Yami uno.