Ubutukilo 21:7 - MUKANDA USANDU WA ZAMBI 1975

⁷ Yamba nawa ngwenyi, Iya te wanyongene kwamba kuli Apalahama ngwenyi, Sara meza kwamwisa ana? Mumu hinamusemena mwana mu ushinakaji wenyi.

Mukanda Wa Zambi 1970

⁷ Yamba nawa ngwenyi: “Iya wahashile kwambila Abrahama ngwenyi: ‘Sara mamwisa ana?’ Alioze chibwe Abrahama habwa kulu kashinakaji, hinasema nenyi mwana.”

Ubutukilo 21:7 Iomraidhean Croise

Ubutukilo 17:17

Henaho Apalahama yafulamana ha meso jenyi, yaseha, yamba mu mbunge yenyi ngwenyi, Te kumakasema mwana kuli yoze hapwa ni kulakaji lia miaka, nyi? Te Sara meza kusema, hapwa ni makumi livwa a miaka nyi?

Ubutukilo 18:13

Yehova yamba kuli Apalahama ngwenyi, Sara kuchi te anasehe ngwenyi, Te yami kashinakaji mungusema mwana?

Ubutukilo 21:8

Mba mwana watatukile, yamusumuna. Apalahama yalinga chiteleka chinene ha tangwa lize asumwine Izake.

1 Yitanga Ya Mianangana 11:20

Mwanakwo wa Tapene yasema Ngenubate mwana wa lunga mba mwe Tapene yamusumwina mu zuwo lia Falau. Ngenubate wapwile mu zuwo lia Falau hakachi ka ana ja Falau.

1 Yitanga Ya Mianangana 3:21

Ha kuhinduka chimene ngukamwise mwanami, kumanyi hanafu. Alioze muze hinachizewula ha chimene ngwami, Hi mwanami ko, yoze nasemene.

Miaso (Masamu) 86:10

Mumu yena uli munene; kuwakulinga yikomokeso. Yena wika uli Zambi.

Miaso (Masamu) 86:8

Hakachi ka mazambi niumwe wapwa ngwe yena mwe Mwene. Niyimwe yitanga yinalifu ni yitanga ye.

Izaya 49:21

Henaho muwamba mu mbunge ye ngwe, Iya wangusemenene wano? Ami napwile tuliwa kanda mumba. Napwile mu chifuchi chisuku, wa kulakula, mba iya walelele wano? Ami napwile ukawami; wano kulihi akatukile?

Izaya 66:8

Iya hevwa chuma chipwa haha? Iya hamona yuma yipwa haha? Chifuchi muchisemuka tangwa limuwika? Vungu mulisemuka kashimbu kakene? Mumu ha kuputuka misongo yenyi Zaione hasema ana jenyi.

Jeremia 20:15

Yoze wanehene liji kuli tata lia kumuwahisa ngwenyi, Hiwasema mwana wa lunga, akashingiwe.

Kwalula 23:23

Chamwenemwene kupanda chakuhi hali Yakomba, chipwe kutaha kuchishiko hali Izalele. Haliapwa machihanjika hali Yakomba ni hali Izalele ngwo, Yuma yipwa haha Zambi hanalingi!

Efesu 3:10

hanga haliapwila akanyingikise mawanangana ni yiyulo mu malilu, ku chikungulwila, milali yeka ni yeka ya mana a Zambi.

2 A-TESALONIKA 1:10

muze meza ha tangwa lize, hanga akamuchichimieke muli asandu jenyi, hanga akamukomoke muli waze eswe akwa kufuliela, mumu nwafulielele Shindakenyo yetu kuli yenu.