Ubutukilo 21:23 - MUKANDA USANDU WA ZAMBI 1975

²³ Kashika ulishinge hano ni Zambi kuli yami ngwe, kuchi kulinga ni kwonga kuli yami, chipwe kuli mwanami, chipwe kuli mujikulu wami. Alioze ukalinge nikulita ni utu uze yami nalingile kuli yena, chocho mulinga kuli yami ni ku chifuchi chino watwamamo njize.

Mukanda Wa Zambi 1970

²³ Kashika haliabwila, lishinge ku meso ja Zambi ngwe, kuuchi kungwonga yami, chibwe ana jami, chibwe ajikulu jami. Nguli sepa lie, kashika lishinge ngwe, yena muubwa sepa liami ni lia waze ali mu chifuchi chino watwama.”

Ubutukilo 21:23 Iomraidhean Croise

Ubutukilo 20:14

Mba Apimeleke yanda mapanga, ni ngombe, ni ndungo ja malunga, ni ndungo ja mapwo, yaahana kuli Apalahama, yamuhilwisa Sara pwo lienyi.

Ubutukilo 21:24

Apalahama yakumbulula ngwenyi, Mungulishinga.

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 26:28

O yamba ngwo, Hitwamona pundu ngwetu, Yehova kwali hamuwika ni yena. Kashika twamba ngwetu, Tukalikunde ni shingo hakachi ka yetu ni yena, tukakolese usendo,

Ubutukilo 31:44

Tuye tukolese usendo, yami ni yena, ukapwe chinyingi hakachi ka yami ni yena.

Ubutukilo 31:53

Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

Ubutukilo 47:31

Yamba ngwenyi, Ulishinge. Mba iye yalishinga. Mba Izalele yalihetamisa ha muhela.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

2 Korintu 1:23

Alioze Zambi akapwe chela ha mbunge yami, ngwe ha kunuvwila keke chejile ku Korindu.

Shimbi 6:13

Nukavwile woma Yehova Zambi yenu, nukamuvumbike iye, nukalishinge ni jina lienyi.

Hebreu 6:16

Mumu atu chamwenemwene kakulishinga ni umwe Wahiana; ni shingo lia kukolesa liapwa songo lia kuhamika cheswe.

Yoshua 2:12

Kashika lilakenyenu ni yami ni shingo kuli Yehova se yami hinanulingila vumbi, ni yenu nawa nukalinge ni vumbi kuli akwa zuwo lia tata. Ngwehenu chilayi chamwenemwene.

1 Samuel 20:13

Alioze nyi tata mazanga kukulinga chipi Yehova achilinge kuli yami Jonatas nikuwezaho nawa nyi chakulwezelecho nikukushika ukaye ni sambukila. Yehova akapwe ni yena chizechene ngwe hapwa ni tata.

1 Samuel 20:17

Jonatas yashingisa David nawa ha zango lienyi mumu wamuzangile chizechene ngwe wazangile mwono wenyi mwene.

1 Samuel 20:42

Jonatas yamba kuli David ngwenyi, Uye kanawa, se etu eswe ni aali hitwalishinga ni jina lia Yehova ngwetu, Yehova mapwa hakachi ka yami ni yena ni hakachi ka chisemuko cha yami ni chisemuko cha yena ndo ku miaka ya mutolo. David yakatuka yaya. Jonatas wayile mu limbo.

1 Samuel 30:15

David yamuhula ngwenyi, Mututwala ku mbunga yino, nyi? Iye yamba ngwenyi, Ulishinge ni Zambi, kuchi kungushiha hanji kungukunjika kuli mwata wami mba mungunutwala ku mbunga yino.