Ubutukilo 21:22 - MUKANDA USANDU WA ZAMBI 1975

²² Ha mwaka uze Apimeleke ni kapitau ka tujita twenyi Fwikole yahanjika ni Apalahama ngwo, Zambi hwali hamwe ni yena mu yuma yeswe wakulinga.

Mukanda Wa Zambi 1970

²² Ha matangwa waze Abimeleke ni Fikole, mwata wa tujita twa Abimeleke, yeeza nikwambila Abrahama ngwo: “Zambi kali hamwe ni yena mu yeswe yize wakulinga.

Ubutukilo 21:22 Iomraidhean Croise

Ubutukilo 20:14

Mba Apimeleke yanda mapanga, ni ngombe, ni ndungo ja malunga, ni ndungo ja mapwo, yaahana kuli Apalahama, yamuhilwisa Sara pwo lienyi.

Ubutukilo 20:17

Mba Apalahama yalemba kuli Zambi, Zambi yawuka Apimeleke, ni mukwo-pwo, ni ndungo jenyi a mapwo, yasema ana.

Ubutukilo 20:2

Apalahama yamba ha kutwala kuli mukwo-pwo Sara ngwenyi, Iye ndumbwami. Mba Apimeleke mwanangana wa Ngerare yatuma asake Sara.

Ubutukilo 26:26

Mba Apimeleke yakatuka ku Ngerare yaya kuli iye hamuwika ni sepa lienyi Ahuzata, ni Fwikole kapitau ka tujita twenyi.

Ubutukilo 26:28

O yamba ngwo, Hitwamona pundu ngwetu, Yehova kwali hamuwika ni yena. Kashika twamba ngwetu, Tukalikunde ni shingo hakachi ka yetu ni yena, tukakolese usendo,

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 30:27

Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Ubutukilo 31:5

Yamba kuli ayo ngwenyi, Ngunamono meso ja tatenu, kangutalile kanawa ngwe kunyima, alioze Zambi ya tata kwali hamwe ni yami.

2 Samuel 24:7

Yaheta ku mbonge ya Teru ni ku yihunda yeswe ya A-Hevwe, ni ya A-Kanana ni kutuhukila ku Yunda ku Sule ku Mbia-shipa.

2 Sango Ja Mianangana 1:1

Solomone, mwana David, amutakamishine mu wanangana wenyi, ni Yehova Zambi yenyi wapwile hamwe nenyi nikumutohesa kuhiana.

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Izaya 8:10

Twamenu punga hamuwika, alioze muchikafuwa; hanjikenu liji, alioze kulichi kakola, mumu Zambi tuli nenyi hamwe ni yetu.

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

1 Korintu 14:25

Yuma ya kuhengama ya mu mbunge yenyi muyisoloka: chocho makafulamana ha meso jenyi, makawayila Zambi, mambulula ngwenyi, Zambi hwali hakachi kenu pundu.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.

1 Samuel 24:22

David yalishinga chocho kuli Saulu. Mba Saulu yaya ku zuwo lienyi alioze David ni malunga jenyi akandukile ku mbonge yo.

1 Samuel 3:19

Samuel yatatuka, mba Yehova wapwile hamwe nenyi. Katayijile maliji jenyi kuholoka hashi, niamwe.