Ubutukilo 21:20 - MUKANDA USANDU WA ZAMBI 1975

²⁰ Zambi wapwile hamwe ni mwana, mba watatukile. Watwamine mu puya, wapwile ngashi.

Mukanda Wa Zambi 1970

²⁰ Mwana yatatuka, yatwama mu puya ya Parane. Iye te yanga ni uta wenyi wa manana. Zambi yabwa hamwe nenyi.

Ubutukilo 21:20 Iomraidhean Croise

Ubutukilo 10:9

Iye te chinyanga munene kumeso ja Yehova, kashika akwamba ngwo, Ngwe Nimorote chinyanga munene kumeso ja Yehova.

Ubutukilo 16:12

Kumakapwa ngwe chimbulu wa mu yambu hakachi ka atu. Kwoko lienyi mulikalimika ni akwo eswe, mba moko ja akwo eswe makalimika nenyi. Kumakatwama hatalanganyi ni usoko wenyi eswe.

Ubutukilo 17:20

Alioze ha kutwala kuli Ishemali, hinakwivwa, hinamuwahisa. Iye kumapwa semi, mungukamwokesa kuhiana. Kumi lia mianangana ni mianangana aali makasema. Mungukamupwisa vungu linene.

Ubutukilo 25:27

Muze ana-malunga hatatuka Esau iye chinyanga, mukwa kwenda mu yambu, Yakomba iye chihomboloji, yatwama ku mbalaka.

Ubutukilo 27:3

Kashika ngunaliumbu, anda mivu ye, ni chindalo che, ni uta we, yako mu yambu ukangushihile yifwo.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 39:21

Alioze Yehova Watwamine hamwe nenyi. Wamuwahishile nikumwaha vumbi kuli mwe kalayi ka zuwo lia ususu.

Luka 1:80

Mwe mwana watatukile, wafundwile mu Spiritu, wapwile mu puya ndo tangwa lia kumulweza kuli A-Izalele.

Luka 2:40

Mwe Mwana watatukile, watakamine mu Spiritu, wazalile tò ni mana: ni vumbi lia Zambi liapwile hali iye.

Akwa Kuyula 6:12

Mungelo wa Yehova yasoloka, yamba kuli iye ngwenyi, Yehova kwali hamwe ni yena, Uli lunga wa tachi ni hamu.