Ubutukilo 21:17 - MUKANDA USANDU WA ZAMBI 1975

¹⁷ Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Mukanda Wa Zambi 1970

¹⁷ Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

Ubutukilo 21:17 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 16:11

Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Ubutukilo 16:7

Alioze mungelo wa Yehova yamuwana ku fuji lia meya mu puya, ku fuji lia meya mu jila ya kuya ku Shure.

Ubutukilo 16:8

Yamba ngwenyi, Ena Hekare ndungo ya Serai kulihi unakatuka? Kulihi unayi? Iye ngwenyi, Ngunachina kumeso ja kaka Serai.

Ubutukilo 16:9

Mungelo wa Yehova ngwenyi, Hiluka kuli kakenu ukamuzeyele.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 24:7

Yehova, Zambi ya mwilu, yoze wanguchijile ku zuwo lia tata ku chifuchi kuze nasemukinyine, yoze wahanjikile ni yami, washingile kuli yami ngwenyi, Ku munyachi we mungukahana chifuchi chino, iye kumakatuma mungelo wenyi kulutwe lie mba kwenako mukasakila pwo mwanami.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 46:3

Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

1 MIANANGANA 13:23

Alioze Yehova yaavwila vumbi ni keke; yaanyonga mumu ha usendo wenyi ni Apalahama, ni Izake, ni Yakomba. Kasolo kwaonwona, kanda achiambila kumeso jenyi.

1 MIANANGANA 13:4

Alioze Jehoahaze yalemba kuli Yehova mba Yehova yapanjika kuli iye mumu ha kumona luyinda wa A-Izalele chize mwanangana wa Seria waayindamishine.

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 6:8

Katukenu kuli yami yenu eswe akwa kulinga uhenge; mumu Yehova hanevu liji lia kulila chami.

Miaso (Masamu) 65:2

Yena wakwivwa kulemba; kuli yena akwa musunya eswe meza.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Kutuhuka 22:23

Kachi munwayindamisa chimwe mba o mateta kuli yami kachi chamwenemwene kumungwivwa muteto wo.

Kutuhuka 22:27

Mumu lioliene kuliapwa lia kulifuka nalio. Kuliapwa hina lia ku mujimba wenyi. Neka mapomba? Mba muze iye mateta kuli yami, kumungwivwa, mumu yami mukwa vumbi.

Kutuhuka 3:2

Mungelo wa Yehova yasoloka kuli iye mu mulengi wa kahia, mukachi ka mungonga. Iye yatalako, kumanyi mungonga unayili ni kahia hindu we mungonga kuwakotongokele.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Mateu 15:32

Yesu watambikile tumbaji twenyi kuli iye, ngwenyi, Mbunga ya atu keke ngunaavwila, mumu kanashimbula hamwe ni yami matangwa atatu kulu, keshi nichimwe cha kulia: mba chazangile kushika no ni zala, kuchina hanji malezumuka mu jila.

Marku 5:36

Alioze Yesu ha kwivwa liji lize ahanjikile, yamba kuli mukwa kuyula sunangonga ngwenyi, Kanda wivwa woma, fuliela.

Shimbi 26:7

Yituteta kuli Yehova Zambi ya tulamba twetu, Yehova yevwa liji lietu, yatala luyinda wetu, ni kuhondangana chetu, ni lamba lietu atumwesenelio.

Akwa Kuyula 18:23

Yatambika A-Ndane, o yatewulukila kuli Mika yamba ngwo, Yika unevu uneza ni mbunga yipwa haha?

1 Samuel 11:5

Saulu te kanakatuka ku munda ni ngombe. Saulu yamba ngwenyi, Atu yika anevu analili chocho? Yamulweza maliji a akwa Njabeshe.