Ubutukilo 21:16 - MUKANDA USANDU WA ZAMBI 1975

¹⁶ Yaya, yatwama hatalanganyi nenyi alioze kapinji kaliko ngwe kukonga cha mwivu, mumu yamba ngwenyi, Kanda ngutala kufwa cha mwana. Chocho yatwama hatalanganyi nenyi nikulila mbimbi.

Mukanda Wa Zambi 1970

¹⁶ yaya ni kutwama ha talanganyi, alioze yihabwa kapinji ngwe kwasa cha mwivu, mumu yamba ngwenyi: “Chazangile kumona chize mwana masutula mwono.” Mba yabutuka kulila.

Ubutukilo 21:16 Iomraidhean Croise

Ubutukilo 21:15

Meya mu tuku yahwa, mba yahichika mwana mushi lia chimwe chiputa.

Ubutukilo 27:38

Esau yamba kuli tato ngwenyi, Tata, te uwape umuwika uli nawo? Ni yami nawa unguwahise yami tata. Chocho yateta ni liji linene nikulila.

Ubutukilo 29:11

Yakomba yahana mbeju kuli Rakele, yalila ni liji linene.

Ubutukilo 44:34

Mumu kuchi munguhasa kuya kuli tata nyi mukweze chayile nenyi? Kuchina mungumona che chipi muchiwana tata.

1 Yitanga Ya Mianangana 17:12

Pwo yamba ngwenyi, Ni mwono wa Yehova Zambi ye chishi ni mbolo. Kwoko limuwika lia wunga nguli nalio mu chisoka ni tumwe tumaji mu mulondo. Tala ngunande tutete twaali mba munguya nguhikile mwanami wa lunga ni yami, mutulia mba tufwe lume.

1 Yitanga Ya Mianangana 3:26

Henaho mwe naye ya mwana wa mwono yamba kuli mwanangana ngwenyi, Mwanangana wami! Mwehenuye mwe wa mwono, kanda munushiha. Mumu mbunge yenyi yili ni usona wunji wa mwana. Alioze mukwo ngwenyi, Amutete. Kechi kupwa chipwe wa yami chipwe wa yena.

Estere 8:6

mumu kuchi munguhasa kumona chipi chino muchiza hali atu jami? Kuchi munguhasa kumona kunonga cha chisemuko chami?

Izaya 49:15

Pwo mahasa kuvulama mwana akwamwisa? Kechi kuvwila keke mwana wa mu jimo lienyi? Hanji o mavulama, hindu ami chichi kavulama yena.

Jeremia 6:26

Ena mwana wa pwo atu jami, zala chikeleyi, ukalilangumune mu uto. Ukalishimwoke ngwe hali mwana wa wika, kulila chisasu, mumu susumuku chonwonyi matuwana.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Akwa Kuyula 2:4

Muze mungelo wa Yehova hamba maliji wano kuli A-Izalele eswe, alilile ni liji linene.

Rute 1:9

Yehova akanukwase nukawane malo, mweswe mu zuwo lia lunga lienyi. Chocho yaaha mbeju, mba o yalila ni liji linene.

1 Samuel 24:16

Muze David hamana kuhanjika maliji wano kuli Saulu, Saulu yamba ngwenyi, Alio liji lia yena mwanami David nyi? Saulu yalila mbimbi.

1 Samuel 30:4

David ni atu aze endele nenyi yakololoka ni kulila ndo kapwile nawa ni tachi ja kulila.