Ubutukilo 20:9 - MUKANDA USANDU WA ZAMBI 1975

⁹ Mba yasanyika Apalahama yamwamba ngwenyi, Yika watulingila chize? Mulonga uka nakuvulumwine kama, wangunehena mulonga upwa haha ni yami ni atu jami? Ena wangulinga yuma keshi kuyilinga.

Mukanda Wa Zambi 1970

⁹ Mba Abimeleke yatambika Abrahama, yamuhula ngwenyi: “Kuchi watulinga Chuma ngwe chino? Chibi chika ngunakakulinga kama, kashika wangukokela lamba libwa haha ni atu jami eswe? Wangulinga Chuma chize kuchatambile kulinga.

Ubutukilo 20:9 Iomraidhean Croise

Ubutukilo 12:18

Falau yasanyika Apalama yamba ngwenyi, Chuma chino wangulinga chika? Kuchi te kwangulwezele ngwe, Mukwetu-pwo?

Ubutukilo 20:10

Apimeleke yamba kuli Apalahama ngwenyi, Yika wamona mba walinga chuma chino?

Ubutukilo 20:8

Apimeleke yalimeneka chimenemene, yasanyika ngamba jenyi eswe, yaambulwila yino yuma yeswe mu matwi jo. Malunga yevwa woma wunji.

Ubutukilo 26:10

Apimeleke yamba ngwenyi, Chuma chino walinga kuchi chinalumbunuka? Mumu chashi kuli umwe hakachi ka atu kupomba ni mukwenu-pwo. Nyi chocho kachi yena watukokelele mulonga.

Ubutukilo 29:25

Kwapwile muze hikwacha, kumanyi Liya! Yakomba yamba kuli Lapane ngwenyi, Chino wangulinga chika? Te chakulingilile milimo hali Rakele? Kashika kuchi te wangwonga?

Ubutukilo 34:7

Ana ja Yakomba yakatuka mu yambu muze hachivwa. Hevwa wuli wunji, kanatenuka mumu halinga uhepuke mu Izalele ha kupomba ni mwana wa Yakomba, chumacho keshi kuchilinga.

Ubutukilo 38:24

Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

Ubutukilo 39:9

Niumwe wanguhiana mu zuwo, wakuhi. Kanguminyine nichimwe chuma shina yena wika, se uli pwo lienyi. Kuchi munguhasa kulinga ungulungulu upwa haha nikuvulumuna Zambi?

2 Samuel 12:5

Utenu wa David yiukasumukina yoze lunga. Yamba kuli Natane ngwenyi, Ni mwono wa Yehova, yono lunga halinga chuma chino katela kufwa.

2 Samuel 13:12

Iye yamukumbulula ngwenyi, Hi chocho ko ndumbwami, kanda unguvulumuna ni tachi, mumu keshi kulinga chuma chipwa haha mu Izalele. Kanda ulinga uhepuke uno.

Kutuhuka 32:21

Mose yamba kuli Arone ngwenyi, Wano atu yika anakakulinga hiwaakokela mulonga upwa haha?

Kutuhuka 32:35

Mba Yehova walambile e atu mumu te o atengele mwana-ngombe yoze amutengele kuli Arone.

Yishima 28:10

Mweswe matwala mukwa ululi mu jila yipi, mwene malimbukila mu wina wenyi, alioze atu angunu mahinga che chipema.

Alevi 20:10

Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe.

A-ROMA 2:11

Mumu Zambi keshi katonde.

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

Yoshua 7:25

Yoshua yamba ngwenyi, Kuchi te hiwatukokela lamba? Kashika Yehova makulamba musono. A-Izalele eswe yamwasa mawe. Yaocha ni kahia nikwaasa mawe.