Ubutukilo 20:7 - MUKANDA USANDU WA ZAMBI 1975

⁷ Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Mukanda Wa Zambi 1970

⁷ Haliabwila hilwisa pwo yono kuli mukwo lunga. Kali mukwa munanyi, makulembela Zambi, ha chino kuuchi kufwa. Alioze, nyi kuuchi kumuhilwisa nyingika kwe ngwe, kumuufwa, yena ni vungu lie lieswe.”

Ubutukilo 20:7 Iomraidhean Croise

Ubutukilo 12:15

Yilolo ja Falau yamumona, yamufumanyisa kuli Falau, mba yamunjisa mu zuwo lia Falau.

Ubutukilo 12:17

Alioze Yehova yapinjisa Falau ni akwa zuwo lienyi eswe ni misongo yipi mumu hali Serai pwo lia Apalama.

Ubutukilo 2:17

alioze ku mutondo wa chinyingi cha chipema ni chipi, kanda uliako, mumu ha tangwa muoliako kumukafwa lume.

Ubutukilo 20:18

Mumu te Yehova hajika ngoji ja atu eswe a Apimeleke ha mukunda wa Sara, pwo lia Apalahama.

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 20:8

Apimeleke yalimeneka chimenemene, yasanyika ngamba jenyi eswe, yaambulwila yino yuma yeswe mu matwi jo. Malunga yevwa woma wunji.

Ubutukilo 23:6

Panjikenu mwanangana. Nuli swana wa Zambi hakachi ketu. Kweswako munutongola hakachi ka mafuka jetu, fundenu afu jenu. Niumwe hakachi ketu manumina fuka lienyi hanga nukafunde afu jenu.

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

1 MIANANGANA 5:11

Alioze Naamane yatenuka, yaya lume. Ngwenyi, Ami nanyonga ngwami, matuhuka kuli yami, mamana nikuvuluka jina lia Yehova Zambi yenyi, nikuhungisa kwoko lienyi homa ha musongo, nikuwuka ye mbumba.

1 Sango Ja Mianangana 16:22

ngwenyi, Kanda nusunga waze naawayishile ni maji. Aprofeta jami kanda nwalinga nichimwe chipi.

2 Sango Ja Mianangana 30:18

Mumu mbunga yinene ya atu, anji a kuli A-Eframe, ni A-Manase, ni A-Isaka, ni A-Zapulone kalipemesene, hindu alile, alioze kalile nikulita ni yisoneko. Mumu Hezekia hanaalembela ngwenyi, Yehova mupema aakonekene eswe

Jobe 34:19

Iya keshi ni katonde kuli akwa kuyula? Iya kalemesene pichi kuhiana chiswale mumu eswe yitanga ya moko jenyi?

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Kutuhuka 18:17

Tato-weno ya Mose yamba kuli iye ngwenyi, Chuma chino unalingi kuchapemene.

Kutuhuka 4:16

Iye mukwa kukuhanjikila kuli atu. Iye kumakapwa kanwa kuli yena. Yena kumukapwa ngwe Zambi kuli iye

Kutuhuka 7:1

Yehova yamba kuli Mose ngwenyi, Tala hinakupwisa ngwe Zambi kuli Falau. Yayenu Arone mapwa profeta ye.

Jeremia 14:11

Yehova yamba kuli yami ngwenyi, Kanda ulembela wano atu akawahe.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 27:18

Nyi o aprofeta ni liji lia Yehova kali nalio alembe kuli Yehova-wa-Tujita hanga yikwachilo yize yasala mu zuwo lia Yehova, ni mu zuwo lia mwanangana wa Yunda, ni mu Yerusaleme kanda yiya ku Babilonia.

Ezekiel 3:18

Nyi mungwamba kuli chingulungulu ngwami, Kumuofwa, ni yena kwamutowezele, chipwe kuhanjika kukanjisa chingulungulu mu jila yenyi ya ungulungulu akalamwine mwono wenyi, chingulungulu kumafwa mu uhenge wenyi; alioze ku kwoko lie munguhula manyinga jenyi.

Ezekiel 33:8

Nyi mungwamba kuli chingulungulu ngwami, Ena chingulungulu, pundu kumuofwa, mba yena kwahanjikile kutoweza chingulungulu akakatuke ku ndako jenyi, chingulungulu kumafwa mu uhenge wenyi, alioze manyinga jenyi mungwafwetesa hali yena.

Alevi 6:4

mba nyi havulumuna, hahia, kumakahilwisa chuma chize hahupa, hanji chuma hatambula ku upinjiso, hanji kapopo amukunjikile, hanji chuma chatokele iye hachiwana,

Alevi 6:7

Mwe sasendote akamufukile shili yenyi kumeso ja Yehova ha chuma cheswacho halinga ni uhie, akamukone-kenecho.

Yilinga 8:24

Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

1 Korintu 14:4

Yoze mahanjika mu limi malikolesa mwene; alioze yoze maprofeteza makolesa chikungulwila.

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 7:5

Samuel yamba ngwenyi, Kungululenu A-Izalele eswe ku Mizepa mba mungunulembela kuli Yehova.

1 Samuel 7:8

A-Izalele yamba kuli Samuel ngwo, Kanda ulitwamina kutuhakwila kuli Yehova Zambi yetu akatulamwine kuli A-Filistea.