Ubutukilo 20:5 - MUKANDA USANDU WA ZAMBI 1975

⁵ Te kambile kuli yami ngwenyi, Iye ndumbwami, nyi? Ni mwe pwo nawa mwene te kambile kuli yami ngwenyi, Iye ndumbwami nyi? Mu kutuwika cha mbunge yami ni kusamba cha moko jami nachilinga.

Mukanda Wa Zambi 1970

⁵ Abrahama iye mwene hamba ngwenyi: ‘Kali ndumbwami,’ ni Sara mwene ngwenyi: ‘Kali ndumbwami.’ Kashika nachilinga ni mbunge yibema. Kanda nguchilinga kwami nenyi chibi nichimwe.”

Ubutukilo 20:5 Iomraidhean Croise

Ubutukilo 12:13

Ngunaliumbu, amba ngwe, Nguli ndumbwenyi, hanga chikapwe kanawa ni yami mumu hali yena, ngukatwame ni mwono mumu ha mukunda wa yena.

Ubutukilo 20:13

Muze Zambi yanguchiza ku zuwo lia tata ngukendangane, yingwamba kuli iye ngwami, Ukangulinge vumbi lino, kweswako mutukaheta ukambe ha kutwala kuli yami ngwe, Iye ndumbwami.

Ubutukilo 20:16

Yamba kuli Sara ngwenyi, Hinahana kuli ndumbwe kanunu ka mbongo ja prata jikapwe chifuko cha meso je kumeso ja atu eswe uli no. Ha kutwala ku yuma yeswe hinakutomesa.

1 Yitanga Ya Mianangana 9:4

Ha kutwala kuli yena, nyi muwenda kumeso jami ngwe tatenu David wendele ni kutuwika cha mbunge, ni ululi, ni kulinga yuma yeswe nakutuma, nikufunga yiyulo yami ni upatwilo wami,

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

Jobe 33:9

Unambe ngwe, Kunapema; chishi mulonga; kunasamba; uhenge wakuhi muli yami.

Miaso (Masamu) 24:4

Yoze uli ni moko apema ni mbunge ya kulinanga. Yoze katwalile mbunge yenyi ku yuma yamokomoko; kalishingile ni mahuza.

Miaso (Masamu) 25:21

Kutuwika cha mbunge ni ululi ungufunge, mumu hali yena ngunatatatata.

Miaso (Masamu) 26:6

Mungusanyisa moko jami nikusamba; chocho mungujinga ku chilumbilo cha yena Yehova;

Miaso (Masamu) 7:8

Yehova kumapatwila e atu. Ngupatwile kama Yehova nikulita ni ululi wami, nikulita ni kutuwika chami chize chili muli yami.

Miaso (Masamu) 7:9

We ungulungulu wa yingulungulu ukahwe lume, alioze jikijisa mwe mukwa ululi; mumu mwe Zambi ya ululi kakweseka kunyonga cheswe cha mbunge.

Miaso (Masamu) 73:13

Chamwenemwene nakatala tuhu kupemesa mbunge yami, nikusanyisa moko jami mu kulinanga.

Miaso (Masamu) 78:72

Chocho waalishile nikulita ni kutuwika cha mbunge yenyi, waasongwelele nikulita ni utotombo wa moko jenyi.

Yishima 11:3

Kutuwika cha mbunge cha akwa ululi muchiasongwela, alioze kupiya cha akwa mafwefwe muchiaonwona.

Yishima 20:7

Mukwa ululi yoze anende ni kutuwika cha mbunge yenyi, ana jenyi mamukaula mawaha.

Daniel 6:22

Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

1 Tesalonika 2:10

Yenu nuli yela, ni Zambi nawa, ngwe chize twendele hakachi kenu akwa kufuliela, ni kulinanga ni ululi, chitela te kuchishiko.

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

Yoshua 22:22

Mukwa Ndundo, Zambi, Yehova! Mukwa Ndundo, Zambi, Yehova! Iye kananyingika, kashika A-Izalele no akanyingike ngwetu, Nyi kachi chapwa kukolema, hanji mafwefwe, kuli Yehova kanda nutuvwila keke musono