Ubutukilo 20:3 - MUKANDA USANDU WA ZAMBI 1975

³ Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Mukanda Wa Zambi 1970

³ Ha ufuku Zambi yalisolola kuli Abimeleke mu chilota. Yamulweza ngwenyi: “Kumuufwa mumu hiwatambula pwo lia mbala.”

Ubutukilo 20:3 Iomraidhean Croise

Ubutukilo 12:17

Alioze Yehova yapinjisa Falau ni akwa zuwo lienyi eswe ni misongo yipi mumu hali Serai pwo lia Apalama.

Ubutukilo 12:18

Falau yasanyika Apalama yamba ngwenyi, Chuma chino wangulinga chika? Kuchi te kwangulwezele ngwe, Mukwetu-pwo?

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 28:12

Yalota, kumanyi yamona ndalo ya kumika hashi, songo liayo liaheta ndo mwilu, angelo a Zambi nikukanduka nikuhulumuka.

Ubutukilo 31:24

Alioze Zambi yeza kuli Lapane Ka-Seria mu chilota ha ufuku, yamba kuli iye ngwenyi, Ukanyama, kanda uhanjika kuli Yakomba hanji chipema hanji chipi.

Ubutukilo 37:5

José yalota chilota, yachilweza kuli ayayo, kashika o yaweza nawa ku kole yo.

Ubutukilo 37:9

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Ubutukilo 40:5

Eswe ni aali alotele chilota, mutu chilota chenyi, mutu chilota chenyi ufuku umuwika. Mutu ni mutu nikulita ni ulumbunwiso wa chilota chenyi, ni mukwa musenge wa mwanangana wa Engitu ni mukwa kumulingila mbolo, waze aayikilile mu zuwo lia ususu.

Ubutukilo 40:8

O yamba kuli iye ngwo, Mumu twalotanga chilota mba niumwe kahashile kutulumbunwinacho. José yamba kuli ayo ngwenyi, Ulumbunwiso kuwapwile wa mbala wa Zambi, nyi? Ngulwezecho kama.

Ubutukilo 46:2

Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno.

1 Sango Ja Mianangana 16:21

Alioze iye katayijile niumwe kwalinga chipi. Chipwe mianangana waámbilile mumu hali ayo,

Jobe 33:15

Mu chilota, hanji mu usolwelo wa ufuku muze tulo anji heza hali atu no kanapombo tulo ha mihela yo.

Jobe 33:17

hanga akatembule mutu ku yitanga yenyi, nikupatula kulengumuka cha mutu.

Miaso (Masamu) 105:14

Alioze iye katayijile niumwe kwalinga chipi. Chipwe mianangana waámbilile mumu hali ayo,

Yona 3:4

Yona yaputuka kunjila mu limbo kwenda cha tangwa limuwika, nikukololoka ngwenyi, Kwasala makumi awana a matangwa mba manunguna Ninive.

Kwalula 22:9

Zambi yaheta kuli Mbalau, yamba ngwenyi, Malunga aze ali hamwe ni yena, aya?

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.