Ubutukilo 20:17 - MUKANDA USANDU WA ZAMBI 1975

¹⁷ Mba Apalahama yalemba kuli Zambi, Zambi yawuka Apimeleke, ni mukwo-pwo, ni ndungo jenyi a mapwo, yasema ana.

Mukanda Wa Zambi 1970

^17-18 Mapwo eswe waze abwile mu zuwo lia Abimeleke, Mwene Zambi yaapwisa miumba mumu ha Chuma chize chabwile hali Sara, pwo lia Abrahama. Kashika Abrahama yalembela Abimeleke Zambi. Zambi yawuka Abimeleke, yawuka nawa pwo lienyi ni ndungo jenyi a mapwo. Mba yaabutula nawa kusema ana.

Ubutukilo 20:17 Iomraidhean Croise

Ubutukilo 12:17

Alioze Yehova yapinjisa Falau ni akwa zuwo lienyi eswe ni misongo yipi mumu hali Serai pwo lia Apalama.

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 29:31

Yehova yamona ngwe Liya kamuzangile kashika wamwaha kusema, alioze Rakele iye mumba.

Ezra 6:10

hanga akalambule yitapo ya lupembo mupema kuli Zambi ya mwilu, akalembele mwono wa mwanangana ni anenyi a malunga.

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Yishima 15:29

Yehova kapwa kusuku ni yingulungulu; alioze kakwivwa kulemba cha mukwa ululi.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Izaya 45:11

Yehova, mwe Musandu wa Izalele, kanda Tangi yenyi kanambe ngwenyi, Te musopa ni yami ha kutwala kuli anami? Ukangutumine ha kutwala ku milimo ya moko jami?

Kwalula 12:13

Mose yateta kuli Yehova ngwenyi, Zambi, ngunaliumbu kuli yena, umuhindwise kama.

Kwalula 21:7

Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Mateu 21:22

Ni yuma yeswe munwita ni Ufulielo ha kulemba, kumunukatambula.

Mateu 7:7

Etenu, mba kumanwaha; fupenu, mba kumunuwana; ngongwelenu, mba kumanwazulwila.

Yilinga 3:24

Chamwenemwene aprofeta eswe, chize kuli Samuel ni waze akuhata kulutwe, waze eswe ahanjikile, ambulwile nawa matangwa ano.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

1 Tesalonika 5:25

Mandumbu, lembenu hali yetu.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.