Ubutukilo 2:5 - MUKANDA USANDU WA ZAMBI 1975

⁵ Ni mitondo yeswe ya mu mavu shimbu kanda yipwa hashi, ni yiputa yeswe ya mu mavu shimbu kanda yisoka, mumu Yehova Zambi kanda anokesa vula hashi, chipwe mutu keshiko yoze machipa mavu.

Mukanda Wa Zambi 1970

⁵ hashi te kuheshi mutondo niumwe, chibwe chambu, mumu te Mukulu Zambi kanda achinokesa vula hashi, ni mutu niumwe kabwile ko ha kulima hashi.

Ubutukilo 2:5 Iomraidhean Croise

Ubutukilo 2:6

Alioze kwakakumukine mbundu hashi nikutuchikisa heswe ha mavu.

Ubutukilo 3:23

kashika Yehova Zambi yamukatwisa mu munda wa Endene akalime mavu kuze amuchijile.

Ubutukilo 4:12

Chize ku tangwa lia musono muze mulima ha mavu kechi kukwaha tachi jo. Kumukapwa mukwa kuchina kanda chendanganyi hano hashi.

Ubutukilo 4:2

Kulutwe yasema nawa mwanakwo Abele. Abele mukwa kufunga mapanga, alioze Kene mukwa kulima.

Jobe 5:10

Kakunokesa vula hashi, kakutuma meya ha minda.

Miaso (Masamu) 104:14

Kakusokesa yambu ya yimuna, ni yiputa ha milimo ya atu, akachize kulia ku mavu,

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 10:13

Muze mahiohiesa liji lienyi kwapwa lundunjila wa meya mu malilu. Kakwandula mbundu ku masongo a hashi. Kakutanga njaji ja vula; kakuchiza fuji ku machila jenyi.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Hebreu 6:7

Mumu mavu aze akunwa vula yoze wakwizaho kanji, kakwima yilimalima hali waze akwalimina, kakutambula uwape kuli Zambi.