Ubutukilo 2:24 - MUKANDA USANDU WA ZAMBI 1975

²⁴ Kashika lunga mahichika tato ni naye akalalaminye kuli mukwo-pwo, mba kumapwa musunya umuwika.

Mukanda Wa Zambi 1970

²⁴ Kashika, lunga makahichika tato ni naye akalinunge ni pwo lienyi, mba ayo aali maabwa mutu umuwika.

Ubutukilo 2:24 Iomraidhean Croise

Ubutukilo 4:19

Lameke yambata mapwo aali, jina lia umwe Ata, jina lia mukwo Zila.

Miaso (Masamu) 45:10

Panjika, yena mwana wa pwo, ukatale, ukahetamise twitwi lie. Vulama atu je ni zuwo lia tatenu.

Yishima 12:4

Pwo wa kushishika kapwa ngwe chipangula kuli mukwo-lunga; alioze pwo yoze makolesa sonyi kapwa ngwe kupola mu yifwaha ya mukwo-lunga.

Yishima 2:17

yoze wakwehuka sepa lia ukweze wenyi, ni kakuvulama usendo wa Zambi yenyi.

Yishima 31:10

Pwo wamwenemwene iya mahasa kumuwana? Ndando yenyi yahiana chikolo ndando ya rubi.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

A-ROMA 7:2

Mumu pwo makakashiwa ni shimbi kuli mukwo-lunga shimbu lieswe mapwa ni mwono; alioze kachi mukwolunga mafwa, kachi matusuka ku shimbi ya mukwo-lunga.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 4:4

Hindu yenu eswe nwalalaminyine kuli Yehova Zambi yenu, nuli a mwono tangwa lino.

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.

Yoshua 23:8

Alioze lalaminyenu kuli Yehova Zambi yenu chizechene hinwalinga musono.

1 Samuel 25:43

David yatambula nawa Ahinoame Ka-Yezerele mba eswe aali apwile mapwo jenyi.