Ubutukilo 2:23 - MUKANDA USANDU WA ZAMBI 1975

²³ Mba mutu yamba ngwenyi, Yono chifwaha cha ku yifwaha yami; musunya wa ku musunya wami; Yamuluka jina ngwenyi, Pwo, mumu yamuchiza kuli Lunga.

Mukanda Wa Zambi 1970

²³ Mba lunga yamba ngwenyi: “Ewaa! Haliabwila yono kali chifwaha cha yifwaha yami, musunya wa ku musunya warni. Jina lienyi pwo, mumu kuli yami lunga anakatuka.”

Ubutukilo 2:23 Iomraidhean Croise

Ubutukilo 29:14

Lapane yamba kuli iye ngwenyi, Ena pundu uli chifwaha chami ni musunya wami. Yatwama nenyi ha shimbu lia kakweji.

2 Samuel 19:13

Ambenu kuli Amasa nawa ngwenu, Ngwami, uli wa yifwaha yami ni musunya wami. Zambi alinge chocho kuli yami nikuwezaho nawa kachi chakusele kapitau wa tujita matangwa eswe kusalakana Joabe.

2 Samuel 5:1

Minyachi yeswe ya A-Izalele yeza kuli David ku Heprone ngwo, Etu tuli chifwaha chenu ni musunya wenu.

Akwa Kuyula 9:2

Hanjikenu kama mu matwi ja malunga eswe a Shekeme ngwenu, Chipema kuli yenu chika? Shina eswe makumi shimbiali a ana a malunga a Njerubale anuyule, nyi shina umuwika anuyule? Iwulukenu nawa, yami nguli chifwaha chenu ni musunya wenu.