Ubutukilo 2:2 - MUKANDA USANDU WA ZAMBI 1975

² Ha tangwa liamuchishimbiali Zambi yamanuna milimo yenyi yize alingile, mba ha tangwa liamuchishimbiali yahwima ku milimo yenyi yeswe yize alingile.

Ubutukilo 2:2 Iomraidhean Croise

Ubutukilo 1:31

Mba Zambi yamona yuma yeswe yize halinga ngwenyi, Chinapeme chikolo. Yikupwa chingoloshi, yikupwa chimene, tangwa liamuchisambano.

Ubutukilo 2:3

Zambi yawahisa tangwa liamuchishimbiali, yalisela lisandu, mumu ha lienalio yahwima ku milimo yenyi yeswe yize Zambi atangile ni yize alingile.

Kutuhuka 23:12

Ha matangwa asambano ukalinge milimo ye. Ha tangwa liamuchishimbiali hikuhwima, ni ngombe ye, ni chimbulu che akahwime, hanga mwana wa ndungo ye wa pwo ni njize akasanguluke.

Kutuhuka 31:15

Nukalinge milimo ha matangwa asambano, ahoze tangwa liamuchishimbiali likapwe Sambata ya uhwimino. Yikapwe yisandu ya Yehova. Mweswawo makalinga milimo yimwe ha tangwa lia Sambata, akamushihe lume.

Kutuhuka 31:17

Kuchapwa chilayi cha mutolo hakachi ka yami ni A-Izalele, mumu ha matangwa asambano Yehova walingile malilu ni hashi. Ha tangwa liamuchishimbiali yahwima, yasanguluka.

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Yoano 5:17

Alioze Yesu waakumbulwile ngwenyi, Tata kalinga ndo haliapwila, ni yami nakulinga.

Shimbi 5:14

Alioze tangwa liamuchishimbiali Sambata kuli Yehova Zambi ye. Kanda ukalingaho milimo niyeyimwe, chipwe yena, chipwe mwané wa lunga, chipwe mwané wa pwo, chipwe ngamba ye wa lunga, chipwe ngamba ye wa pwo, chipwe ngombe ye, chipwe chimbulu che, chipwe yimuna je niamwe, chipwe njize uli mu chihunda che, hanga ngamba ye wa lunga ni ngamba ye wa pwo akahwime chimuwika ngwe yena.

Hebreu 4:10

Mumu yoze hananjila mu uhwimino, hanahwimi nawa ku yitanga yenyi, chizechene ngwe Zambi wahwimine ku yitanga yenyi.

Hebreu 4:4

Mumu hanambe muma mumwe ha kutwala ku tangwa liamuchishimbiali ngwe chino, ngwenyi, Ni Zambi wahwimine ha tangwa liamuchishimbiali ku yitanga yenyi yeswe.