Ubutukilo 2:17 - MUKANDA USANDU WA ZAMBI 1975

¹⁷ alioze ku mutondo wa chinyingi cha chipema ni chipi, kanda uliako, mumu ha tangwa muoliako kumukafwa lume.

Mukanda Wa Zambi 1970

¹⁷ alioze ku mutondo uze wakuhana mana akunyingika no yibema ni yibi kanda ulia ko. Mumu ha tangwa lize muulia ko, muufwa lume.”

Ubutukilo 2:17 Iomraidhean Croise

Ubutukilo 2:9

Mba ku mavu Yehova Zambi yasokesa mitondo yeswe yipema ku meso, ni yize yipema ya kulia; mutondo wa mwono nawa mukachi ka munda, ni mutondo wa chinyingi cha chipema ni chipi.

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 3:11

Zambi yamba ngwenyi, Iya wakulweza ngwenyi, Uselesele uli? Hiwalia ku mutondo uze nakukanjishile ngwami, Kanda uliako, nyi?

Ubutukilo 3:17

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Ubutukilo 3:19

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

1 Yitanga Ya Mianangana 2:37

Mumu tangwa lize mukatukamo kuzauka chitwetwe Kidrone, nyingika pundu kumuofwa lume. Manyinga je makapwa ha mutwe we.

1 Yitanga Ya Mianangana 2:42

Mwanangana yatuma kusanyika Shimei, yamba kuli iye ngwenyi, Chakushingishile ni jina lia Yehova ni kukulweza pundu pundu ngwami, Nyingika pundu ha tangwa lize mukatuka kuya kweswako kumuofwa, nyi? Ni yena kuwatayile ngwe, Ngunevu; Chinapeme, nyi?

Jeremia 26:8

Mba muze Jeremia hamana kuhanjika yize yeswe Yehova hamutuma kuhanjika ni atu eswe, henaho asasendote, ni aprofeta ni atu eswe yamukwata ngwo, Kumuofwa!

Ezekiel 18:13

kakuhana mbongo ha mbwezo ni kutambula ja kulifumbula; te iye makatwama ni mwono? Kechi katwama ni mwono. Halinga yino yuma yeswe ya lwaji; kumakafwa; manyinga jenyi makapwa hali iye mwene.

Ezekiel 18:32

Mumu chishi kuwahilila ha kufwa cha niumwe, kashika alumukenu nukatwame ni mwono. Chocho kanambe Mwene Yehova.

Ezekiel 18:4

Alma ja eswe nijami; alma ya tato ni alma ya mwanenyi jeswe nijami; mba alma yize muyivulumuna kumuyikafwa.

Ezekiel 33:14

Alioze nyi mungwamba kuli chingulungulu ngwami, Pundu kumuofwa, hindu nyi malumuka ni kuhichika shili yenyi ni kulinga chize chinalite ni shimbi, chize Chinalulama,

Ezekiel 33:8

Nyi mungwamba kuli chingulungulu ngwami, Ena chingulungulu, pundu kumuofwa, mba yena kwahanjikile kutoweza chingulungulu akakatuke ku ndako jenyi, chingulungulu kumafwa mu uhenge wenyi, alioze manyinga jenyi mungwafwetesa hali yena.

Kwalula 26:65

Mumu te Yehova hanambe ha kutwala kuli ayo ngwenyi, Chamwenemwene o kumakafwila mu puya. Kukwasalile mutu niumwe wa kuli ayo, shina Kalemba, mwana wa Yefune, ni Yoshua, mwana wa Nune wika.

A-ROMA 1:32

wano, nikunyingika upatwilo wa ululi wa Zambi, ngwe waze akulinga yuma ngwe yino kanatela kufwa, hindu hi kuyilinga wika ko, alioze kakuwaha hamwe ni waze akuyilinga.

A-ROMA 6:16

Kunwanyingikine, nyi? Yoze kuli iye munulitumbikila ndungo mukumwononokena, nuli ndungo ja yoze munumwononokena; chipwe ja shili ya kutwala ku kufwa, hanji ja kwononoka cha kutwala ku ululi?

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

A-ROMA 8:2

Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa.

1 Korintu 15:22

Mumu chizechene ngwe muli Alama eswe anafu, chocho nawa muli Kristu makapwisa eswe ni mwono.

1 Korintu 15:56

Lumunyi wa kufwa, shili; ni tachi ja shili, shimbi:

Galashia 3:10

Mumu waze eswe a ku yitanga ya shimbi, kushi lia shingo ali: mumu chinasonewa ngwo, Kashingiwa mweswe keshi kunyongonona mu yuma yize yeswe yinasonewa mu mukanda wa shimbi mukuyilinga.

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Shimbi 27:26

Kashingiwa mutu yoze keshi kukolesa maliji a shimbi yino mukwalinga. Atu eswe até ngwo, Amene.

Shimbi 30:15

Kutala! Hinasa kumeso jenu musono mwono ni yipema; kutwa ni yipi.

Shimbi 30:19

Ngunatambika malilu ni hashi yinushindakenye musono ngwami, Hinasa kumeso jenu mwono ni kufwa, chiwape ni shingo, kashika, tongolenu mwono hanga nupwe ni mwono, ni yenu ni ana jenu.

Kolosu 2:13

Ni yenu, se nwapwile afu mu milonga yenu, ni mu ulima wa musunya wenu, yenu ngwami, Hananupwisa ni mwono hamwe nenyi, se hanatukonekena milonga yetu yeswe;

1 Timoteu 5:6

Alioze yoze matwama ni kuliyukisa usona weswe, kanafu shimbu achili ni mwono.

Tiangu (Jake) 1:15

Mba usolo muze muuseseka, muusema shili: ni shili muze muyikola, muyisema kufwa.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.

Usolwelo 2:11

Yoze uli ni matwi, evwe chize anambe Spiritu ku yikungulwila. Yoze makumba kechi kalemana nichimwe ku kufwa chamuchiali.

Usolwelo 20:14

Ni kufwa ni Heteze aanyashine mu Chitende cha kahia. Chino che kufwa chamuchiali, che Chitende cha kahia.

Usolwelo 20:6

Kawaha ni musandu yoze uli ni chihanda mu Uhindukilo utangu; hali wano kufwa chamuchiali kuchishi chiyulo nichimwe; aiioze makapwa asasendote a Zambi ni a Kristu, makayula hamwe nenyi kanunu ka miaka.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Akwa Kuyula 3:2

Chapwile hanga yisemuko ya A-Izalele akanyingike jita akalongese jita waze te kanda ayinyingika kama.

1 Samuel 14:39

Mumu ni mwono wa Yehova chilamwina cha Izalele, chipwe muupwa muli mwanami Jonatas kumafwa. Alioze hakachi ka atu eswe kukwapwile lunga umuwika yoze makumbulula.

1 Samuel 14:44

Saulu yamba ngwenyi, Jonatas, Zambi achilinge ni chikwo nawa. Kufwa muofwa.

1 Samuel 20:31

Mumu shimbu mwe mwana Yese matwama ni mwono hano hashi yena kuchi kakola, chipwe wanangana we. Kashika tuma umusake mumu mafwa lume.

1 Samuel 22:16

Alioze mwanangana ngwenyi, Ena Ahimeleke kumuofwa ni eswe akwa zuwo lia tatenu.