Ubutukilo 2:16 - MUKANDA USANDU WA ZAMBI 1975

¹⁶ Yehova Zambi yamba kuli mwe mutu ngwenyi, Ku mitondo yeswe ya mu munda muhasa kulia chawana,

Mukanda Wa Zambi 1970

¹⁶ Yambila mwe mutu ngwenyi: “Unahase kulia mihuko ya mitondo yeswe yize yili mu munda uno,

Ubutukilo 2:16 Iomraidhean Croise

Ubutukilo 1:29

Zambi yamba ngwenyi, Talenu hinanwaha yiputa yakwima mbuto yili hashi heswe, ni mitondo yeswe yize yikwete mihuko yakwima mbuto. Yeswe muyipwa ya kulia kuli yenu.

Ubutukilo 2:15

Mba Yehova Zambi yatwala mwe mutu, yamusa mu munda wa Endene mukuulima nikuufunga.

Ubutukilo 2:9

Mba ku mavu Yehova Zambi yasokesa mitondo yeswe yipema ku meso, ni yize yipema ya kulia; mutondo wa mwono nawa mukachi ka munda, ni mutondo wa chinyingi cha chipema ni chipi.

Ubutukilo 3:3

Alioze ku mihuko ya mutondo uze uli mukachi ka munda, Zambi hanambe ngwenyi, Kanda nuyilia, chipwe kukwatako, kuchina munufwa.

1 Timoteu 4:4

Mumu chitanga cheswe cha Zambi kuchinapeme, kuchatambile kulituna nichimwe nyi machitambula ni kusakwila;

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.