Ubutukilo 2:14 - MUKANDA USANDU WA ZAMBI 1975

¹⁴ Jina lia lwiji wamuchitatu Hidekele, mwenawo wapalika ku Chivumbuko ku Asuria. Lwiji wamuchiwana Ufrateze.

Mukanda Wa Zambi 1970

¹⁴ Jina lia lwiji wa muchitatu Tigrise, mwenawo wabalikile ku chivumbuko cha chifuchi cha Asuria, ni wa muchiwana Ufrateze.

Ubutukilo 2:14 Iomraidhean Croise

Ubutukilo 10:11

Yakatukako, yaya ku chifuchi cha Asuria. Yatunga Ninive, ni Rehombote-Ire, ni Kala.

Ubutukilo 10:22

Ana ja Sheme a malunga wano, Elame, ni Ashure, ni Apakasha, ni Lutu, ni Arame.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

Ubutukilo 2:13

Jina lia lwiji wamuchiali Ngehone, mwenawo wajingilika chifuchi cheswe cha Kushe.

Ubutukilo 2:15

Mba Yehova Zambi yatwala mwe mutu, yamusa mu munda wa Endene mukuulima nikuufunga.

Ubutukilo 25:18

O atungile chize ku Havila ndo ku Shure kumeso ja Engitu mu jila ya kuya ku Asuria. Yatwama hatalanganyi ni atu jenyi eswe.

Ezekiel 23:23

A-Babilonia ni A-Kaletea eswe, Pekode, ni Shoa, ni Koa, ni A-Asuria eswe hamwe no, eswe akweze a kuzanga, eswe anguvulu ni tupitau, tuliamanga ni tujita, eswe a kwenda hali tuvwalu.

Daniel 10:4

Ha tangwa makumi aali ni liamuchiwana lia kakweji mutangu, shimbu munguchimana ha mbumbulu ya lwiji munene, mwe Hidekele,

Shimbi 1:7

Tewulukenu, nuye mu wenyi wenu, nuye ku chifuchi cha A-Amore ku milundu, ndo kuma kweswe kwasulangana nacho mu Arapa, ni mu chifuchi cha milundu, ni mu yana, ni ku Negeve, ni ku ngenge ya Kalunga-lwiji, chifuchi cha A-Kanana, ni cha Lebano, ndo ku lwiji munene, mwe lwiji Ufrateze.

Shimbi 11:24

Kuma kweswe munukaliata ni molu jenu kukapwe nikwenu, katuke ku puya ni ku Lebano, katuke ku lwiji, lwiji Ufrateze ndo ku kalunga-lwiji watwama ku Chitokelo kukapwe njiza yenu.

Usolwelo 9:14

Umwe kanambe kuli mungelo wamuchisambano, yoze wapwile hi chitavwi, ngwenyi, Tusula angelo awana waze akukashiwa ku lwiji munene, ku Ufrateze.