Ubutukilo 2:1 - MUKANDA USANDU WA ZAMBI 1975

¹ Chocho mwilu ni hashi yayimanuna, ni chizavu chayo cheswe.

Mukanda Wa Zambi 1970

^1-2 Chenacho ha tangwa lia muchisambano Mukulu Zambi amanunwine kutanga lilu ni hashi, ni yuma yeswe yilimo. Mba ha tangwa lia muchishimbiali yanama.

Ubutukilo 2:1 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Ubutukilo 1:10

Zambi yaluka mavu omu ngwenyi, Hashi. Kuswila cha meya yachiluka ngwenyi, Kalunga-lwiji, mba Zambi yachimona ngwenyi, Chinapeme.

Ubutukilo 2:4

Yisemuko ya mwilu ni hashi yino ha tangwa lize Yehova Zambi yalinga mwilu ni hashi.

1 MIANANGANA 19:15

Mba Hezekia yalemba kumeso ja Yehova ngwenyi, Yehova, Zambi ya Izalele kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

2 Sango Ja Mianangana 2:12

Hurame yaweza nawa ngwenyi, Yehova Zambi ya Izalele, Tangi ya lilu ni hashi, afumane, mumu hahana kuli mwanangana David mwana umwe wa mana ni malinjekela ni yinyingi, akatungile Yehova zuwo, ni zuwo lia wanangana nawa.

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Jobe 12:9

Te kwali umwe hakachi ka wano kanyingikine kwoko lia Yehova kakuchihnga?

Miaso (Masamu) 104:2

Walifuka ni pangu ngwe uzalo; wazazulula malilu ngwe luhina.

Miaso (Masamu) 146:6

Yoze watangile lilu ni hashi, ni kalunga-lwiji, ni yize yeswe yilimo. Yoze wakufunga umwenemwene ku miaka ya mutolo.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Kutuhuka 20:11

Mumu ha matangwa asambano Yehova alingile malilu, ni hashi, ni kalunga-lwiji ni yuma yeswe yilimo. Yahwima ha tangwa liamuchishimbiali. Kashika Yehova wawahishile lie tangwa lia Sambata. Yalipwisa lisandu.

Kutuhuka 31:17

Kuchapwa chilayi cha mutolo hakachi ka yami ni A-Izalele, mumu ha matangwa asambano Yehova walingile malilu ni hashi. Ha tangwa liamuchishimbiali yahwima, yasanguluka.

Izaya 34:4

Mbunga ya mwilu muyikapola, ni malilu maavunga ngwe mukanda wa chivungo. Wunji wo muukaholoka ngwe mafwo akuholoka ku mutondo wa uva, ngwe mafwo akuholoka ku mukuyu.

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Izaya 45:12

Nalingile hashi, natangileho mutu. Moko ja yami mwene azazulwile malilu; yami natumine mbunga yako yeswe.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 48:13

Kwoko liami Uasele fundamentu ya hashi; kwoko liami lia chindume liazazulwile malilu. Muze munguyisanyika, muyikalimanyina hamuwika.

Izaya 55:9

Mumu chizechene ngwe malilu kanasuha helu lia hashi, chocho ndako jami jakusuha helu lia ndako jenu, ni manyonga jami kakusuha helu lia manyonga jenu.

Izaya 65:17

Mungutanga lilu liaha ni hashi haha, ni yuma ya kushi kechi kayiwuluka nawa, chipwe kuyinyonga.

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 8:2

Mayimwanga kumeso ja tangwa ni kakweji ni mbunga yeswe ya mwilu, aze azangile nikwalingila, nikwakaula, nikwafupa, nikwawayila. Kechi kayikungulula chipwe kuyifunda. Kumuyikapwa ngwe wilo ha mavu.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Luka 2:13

Mba susumuku kwapwile hamwe ni mungelo, yizavu ya tujita twa mwilu kanahalisa Zambi, ngwo,

Yilinga 4:24

O, muze achivwile, ahetwile liji lio ni mbunge yimuwika kuli Zambi, akambe ngwo, Mwene, mwe Zambi yena, yoze watangile lilu ni hashi ni kalunga-lwiji, ni yize yeswe yilimo;

Yilinga 7:42

Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo, Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?

Shimbi 17:3

te haya ni kuvumbika tuzambi tweka, hatuwayila, chipwe hawayita tangwa chipwe kakweji, chipwe chimwe cha chizavu cha malilu chanwambileyo,

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.

Hebreu 4:3

Mumu yetu hitunafuliela, tunanjila mu uhwimino uze; nikulita ngwe hanambe iye ngwenyi, Ngwe nalishingile mu utenu wami, ngwami, Kechi kanjila mu uhwimino wami: chipwe yitanga hiyinahu chize ku kusela cha fundamentu ya hashi.