Ubutukilo 19:37 - MUKANDA USANDU WA ZAMBI 1975

³⁷ Mukulwana yasema mwana, yamuluka jina ngwenyi, Moape. Iye kalamba ka A-Moape ndo musono.

Mukanda Wa Zambi 1970

³⁷ Mukulwana yasema mwana wa lunga, yamuluka jina ngwenyi, Moabe. Mwe kashakulu ka akwa Moabe.

Ubutukilo 19:37 Iomraidhean Croise

Ubutukilo 19:36

Chocho ana a Lote a mapwo eswe aali apwile ni ufumba wa kuli tato.

Miaso (Masamu) 83:9

Linga no ngwe walingile kuli A-Mindiane, ni Sisera, ni Jabini ku lwiji wa Kishone.

Zefania 2:8

Hinevwa kuchoka cha Moape, ni kutukana cha A-Amone, chize hachoka atu jami nikulizata kulimika ni chifuchi cho.

Kwalula 21:29

Lamba lie, ena Moape! Enu akwa Chemoshe, mala kunwatoka! Hahana ana jenyi a malunga waze achinyine, ni ana jenyi a mapwo akapwe funge, kuli Sahone, mwanangana wa A-Amore.

Shimbi 2:19

Ha kuheta hatalanganyi ni ana ja Amone kanda nwapinjisa, chipwe kulimika no, ka; mumu chichi kunwaha chifuchi cha A-Amone nuchizuke, mumu té hingunachihana chihinga kuli ana ja Lote.

Shimbi 2:9

Yehova yamba kuli yami ngwenyi, Kanda nupinjisa A-Moape chipwe kulimika no ni jita, ka, mumu chichi kunwaha chifuchi cho nuchizuke, mumu hingunahana chihinga Are kuli ana ja Lote.

Shimbi 23:3

Niumwe Ka-Amone, chipwe Ka-Moape, kanda akanjila mu chikungulwila cha Yehova, ndo ku chisemuko chamuchikumi niumwe wa kuli ayo kanda akanjila mu chikungulwila cha Yehova ku miaka ya mutolo.

Rute 4:10

Chikwo nawa ngunakula Rute Ka-Moape twamishi wa Malone akapwe pwo liami, mukulindulula jina lia mwe mufu mu chihinga chenyi, kuchina jina lia mwe mufu mulikajimuka hakachi ka ana-akwo ni ayayo mu chikolo cha chijima chenyi. Enu nuli yela musono.

1 Samuel 14:47

Muze Saulu hapwa mwanangana wa Izalele washile jita ni akwa kole jenyi kweswe sali ni sali. Yalimika ni A-Moape, ni A-Amone, ni A-Endome, ni mianangana a Zoba, ni A-Filistea. Kweswako atalikisa yaakumba.