Ubutukilo 19:36 - MUKANDA USANDU WA ZAMBI 1975

³⁶ Chocho ana a Lote a mapwo eswe aali apwile ni ufumba wa kuli tato.

Mukanda Wa Zambi 1970

³⁶ Chenacho ana a mapwo ja Lote alingile ni tato, mba yaaka ufumba.

Ubutukilo 19:36 Iomraidhean Croise

Ubutukilo 19:35

Chocho yanwisa vinyu tato ufuku uze nawa mba kanuke yaya, yapomba nenyi. Alioze iye kanyingikine chipwe muze yapomba chipwe muze yahinduka.

Ubutukilo 19:37

Mukulwana yasema mwana, yamuluka jina ngwenyi, Moape. Iye kalamba ka A-Moape ndo musono.

Ubutukilo 19:8

Alioze nguli ni ana aali a mapwo kanda achilimona ni malunga. Ngunaliumbu ngukanuneheno haze, mba cheswacho chanupemena ku meso jenu hilingenu no. Alioze kanda nulinga nichimwe kuli wano malunga, se hapwa ngeji jami.

Habakuke 2:15

Lamba kuli yoze manwisa enyembo jenyi ku musenge wenyi wa ufwatulo, nikumuzengewesa hanga atale sonyi jenyi.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Shimbi 2:9

Yehova yamba kuli yami ngwenyi, Kanda nupinjisa A-Moape chipwe kulimika no ni jita, ka, mumu chichi kunwaha chifuchi cho nuchizuke, mumu hingunahana chihinga Are kuli ana ja Lote.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.