Ubutukilo 19:34 - MUKANDA USANDU WA ZAMBI 1975

³⁴ Mba mu kucha mukulwana yamba kuli kanuke ngwenyi, Tala, napombanga ni tata. Tumunwise vinyu musono nawa, mba njila yena ukapombe nenyi, hanga tukafunge munyachi wa tata.

Mukanda Wa Zambi 1970

³⁴ Ha tangwa likwo mukulwana Yambila kanuke ngwenyi: “Zau ufuku ngunakalimona ni tata, chinalite musono tumwehe nawa vinyu yinji. Ha chino ni yena ulimone nenyi, tuseme nenyi ana ha kufunga vungu lia tata.”

Ubutukilo 19:34 Iomraidhean Croise

Ubutukilo 19:33

Chocho anwishine vinyu tato ufuku uze, mba mukulwana yanjila, yapomba ni tato. Iye kanyingikine chipwe muze yapomba chipwe muze yahinduka.

Ubutukilo 19:35

Chocho yanwisa vinyu tato ufuku uze nawa mba kanuke yaya, yapomba nenyi. Alioze iye kanyingikine chipwe muze yapomba chipwe muze yahinduka.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Jeremia 3:3

Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:15

Te sonyi evwile ha kulinga yuma ya lwaji? Kenu! Kevwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka uze muze mungwalamba mungwanunguna. Chocho kanambe Yehova.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.