Ubutukilo 19:29 - MUKANDA USANDU WA ZAMBI 1975

²⁹ Chocho chapwile muze Zambi yonwona membo a ha chana Zambi yewuluka Apalahama, yakatwisa Lote hakachi ka kwonwona shimbu onwene membo muze mwatwamine Lote.

Mukanda Wa Zambi 1970

²⁹ Muze Mwene Zambi honona membo waze te atwama Lote, yewuluka Abrahama, kashika yalamwina Lote.

Ubutukilo 19:29 Iomraidhean Croise

Ubutukilo 11:27

Yisemuko ya Tera yino; Tera yasema Apalama, ni Nehore, ni Harane. Harane yasema Lote.

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 30:22

Mba Zambi yewuluka Rakele. Zambi yamupanjika, yamwaha kusema.

Ubutukilo 8:1

Alioze Zambi yewuluka Noe ni akwa mwono eswe ni yimuna eswe apwile hamwe nenyi mu ulungu. Zambi yapalikisa fuji hashi chocho meya ahuwile.

Nehemia 13:14

Zambi yami! Ungwiwuluke kama ha chuma chino; kanda ukajimuna yitanga yami yipema yize nalingila zuwo lia Zambi yami ni ha shimbi jalio jeswe.

Nehemia 13:22

Yingwamba A-Levi alipemese, eze afunge mapito akasele ku usandu Sambata. Zambi yami Wiwuluke chino chuma nawa kuli yami ukangufunge nikulita ni unene wa utu wa zango lie.

Jobe 35:8

Ungulungulu we watwala kuli mutu ni mukwenu, ni ululi we unatwala kuli umwe mwana mutu.

Miaso (Masamu) 105:42

Mumu wewulukile liji lienyi lisandu ni Apalahama kavumbi kenyi.

Miaso (Masamu) 105:8

Iye kakwiwuluka usendo wenyi ku miaka ya mutolo; kakwiwuluka liji lize ambile ndo ku kanunu ka yisemuko.

Miaso (Masamu) 106:4

Yehova, ungwiwuluke kama ni vumbi lize wakupwa nalio kuli atu je. Ungunangise ni ulamwino we.

Miaso (Masamu) 136:23

Yoze watwiwulukile ku ulelu wetu; mumu utu wa zango lienyi wa mutolo.

Miaso (Masamu) 145:20

Yehova kakufunga waze eswe akumuzanga, alioze yingulungulu kumakaonwona.

Miaso (Masamu) 25:7

Kanda wiwuluka kama milonga ya ukweze wami, hanji uvulumunyi wami. Nikulita ni utu wa zango lie ungwiwuluke kama, mumu ha upeme we, Yehova.

Ezekiel 14:16

chipwe kachi wano malunga atatu atwamamo, Yehova kanambe ngwenyi, ni mwono wami kechi kapulula chipwe ana jo a malunga chipwe a mapwo. Ene ukawo malipulula, alioze chifuchi muchipwa cha hululu.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Shimbi 9:27

Iwulukenu tuvumbi twenu, Apalahama, ni Izake, ni Yakomba. Kanda nutala upama wa atu ano, chipwe ungulungulu wo, chipwe mulonga wo,

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

2 Petulu 2:7

Wapulwile Lote, mukwa ululi, wamwene lamba ku kwenda cha ujila cha yingulungulu;