Ubutukilo 19:25 - MUKANDA USANDU WA ZAMBI 1975

²⁵ Yonwona membo aze ni chana cheswe, ni akwa membo eswe, ni yuma yeswe yasokele ha mavu.

Mukanda Wa Zambi 1970

²⁵ Yonona membo ni chana chize cheswe, ni atu eswe, ni mitondo ni yambu yeswe.

Ubutukilo 19:25 Iomraidhean Croise

Ubutukilo 13:10

Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 13:12

Apalama yatwama mu chifuchi cha Kanana, Lote yatwama mu membo a ha chana, yatutulula mbalaka yenyi ndo ku Sondome.

Ubutukilo 14:3

Wano eswe alifutwile hamuwika mu chana cha Shindime (likwo ngwo, Chitende cha Mungwa).

Miaso (Masamu) 107:34

Chifuchi cha kwima mihuko kakuchalumuna puya ya mungwa mumu ha ungulungulu wa waze atwamamo.

Izaya 13:19

Babilonia, uhenya wa yifuchi yeswe, ulamba ni kulengumuka cha A-Kaletea, kumuyikapwa ngwe Sondome ni Ngomora muze Zambi wayinungwine.

Jeremia 20:16

Au mutu akapwe ngwe yihunda yize Yehova wanungwine ni keke ka. Akevwe muteto ha chimene ni mutambi tangwa ha muchima,

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 49:18

Chizechene ngwe muze hanunguna Sondome ni Ngomora ni yihunda ya kujingilika niumwe matungako, niumwe matwamako njize, chocho kanambe Yehova.

Jeremia 50:40

Chizechene ngwe muze Zambi wanungwine Sondome ni Ngomora, ni yihunda ya kuyijingilika, chocho niumwe mutu matungamo, niumwe mwana mutu matwamamo njize. Chocho kanambe Yehova.

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Ezekiel 16:50

Apwile nikulizata ni kulinga yuma ya lwaji kumeso jami, kashika ha kuchimona naachijileko.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Zefania 2:9

Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.