Ubutukilo 19:17 - MUKANDA USANDU WA ZAMBI 1975

¹⁷ Mba muze hamukatwisa hamuneha haze yamba ngwo, China, ulamwine mwono we. Kanda utala kunyima. Kanda ulaluka mu chana. Chinyina ku mulundu kuchina mununonga.

Mukanda Wa Zambi 1970

¹⁷ Mba kanganda umuwika yambila Lote ngwenyi: “China lume! Kanda utala kunyima, chibwe kanda ulaluka mu chana, alioze chinyina ku milundu yize, nyi ka, munonga.”

Ubutukilo 19:17 Iomraidhean Croise

Ubutukilo 13:10

Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 14:10

Chikulo cha Shindime cha tò ni mena a malowa, mba mianangana a Sondome ni Ngomora yachina mba yafwilamo. Waze kafwile o yachinyina ku milundu.

Ubutukilo 18:22

Mba malunga yakatukako, yatalikisa ku Sondome, alioze Apalahama kanamana hindu kumeso ja Yehova.

Ubutukilo 19:18

Lote yamba kuli ayo ngwenyi, Ka, hi chocho ko, mwene wami.

Ubutukilo 19:22

Tambuka. Chinyinako, mumu chahashile kulinga nichimwe ndo hiwachinyinako. Kashika yaluka limbo lize jina lialio, Zoare.

Ubutukilo 19:26

Alioze pwo lia Lote kanende kunyima yenyi, iye yatala kunyima, mba yalumuka nguji lia mungwa.

Ubutukilo 19:30

Mba Lote yakatuka ku Zoare, yatwama ku milundu hamuwika ni anenyi aali a mapwo, te woma anevu wa kutwama mu Zoare. Watwamine mu chivwenge, iye ni anenyi aali a mapwo.

1 Yitanga Ya Mianangana 1:12

Kashika ngutayize kama ngukwehe chiyulo ukalamwine mwono we ni mwono wa mwané Solomone.

1 Yitanga Ya Mianangana 19:3

Ha kuchimona iye yakatuka akalamwine mwono wenyi yaya ku Mbia-shipa chili mu chifuchi cha Yunda. Yahichikako kavumbi kenyi.

Miaso (Masamu) 121:1

Munguhetula meso jami ku milundu, nyi? Kulihi mukukatuka chize cha kungukwasa?

Jeremia 48:6

Chinenu! Lilamwinenu! Pwenu ngwe chimbulu wa mu puya!

Kwalula 16:26

Yamba ku chikungulwila ngwenyi, Akwetu! Katukenu ku mbalaka ja wano yingulungulu, kanda nukwata yuma yo niyimwe, kuchina manumanuna mumu ha milonga yo yeswe.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Luka 12:23

Mumu mwono kuwahiana kulia, ni mujimba kuwahiana mazalo.

Luka 9:62

Yesu wambile kuli iye ngwenyi, Niumwe se hanase kwoko henyi ku sharua, nyi matala kunyima, matela wanangana wa Zambi.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

1 Samuel 19:11

Ufuku uze Saulu yatuma tunganda ku zuwo lia David akamutale, hanga amushihe ha chimene. Alioze Mikale, pwo lia David, yamulweza ngwenyi, Nyi kwalilamwinyine musono, hamene makushiha.