Ubutukilo 19:16 - MUKANDA USANDU WA ZAMBI 1975

¹⁶ Hindu machilaluka, mba malunga yamukwata ku kwoko lienyi, ni kwoko lia mukwo-pwo, ni moko ja anenyi a mapwo se Yehova keke yinji anamuvwila. Chocho yamuchiza, yamusa haze lia limbo.

Mukanda Wa Zambi 1970

¹⁶ Lote yalaluka ha kutuhuka. Alioze Mwene Zambi yamuvwila keke, yalweza tunganda a mwilu ha kumutuhwisa. Mba yaakwata Lote ni mukwo pwo ni ana jenyi aali a mapwo ku moko, yaatuhwisa mu limbo.

Ubutukilo 19:16 Iomraidhean Croise

Ubutukilo 19:15

Mba muze hikwacha angelo apupwishile Lote ngwo, Katuka utwale mukwenu-pwo ni ane aali a mapwo uli no kuno kuchina manonga mu uhenge wa limbo.

Ubutukilo 43:10

Mumu nyi kutwalalukile kachi hitweza chisuho chamuchiali.

1 Sango Ja Mianangana 16:34

Sakwilenu kuli Yehova mumu iye mupema, mumu utu wa zango lienyi wa mutolo.

Miaso (Masamu) 103:13

Ngwe chisemi mavwila keke ana jenyi, chocho Yehova kakuvwila keke waze mamuvwila woma.

Miaso (Masamu) 106:1

Halisenu Yehova! Sakwilenu kuli Yehova mumu iye mupema, mumu utu wa zango lienyi wa mutolo.

Miaso (Masamu) 106:8

Hindu waalamwinyine mumu ha jina lienyi, hanga akafumanyise ngolo jenyi ja ndundo.

Miaso (Masamu) 107:1

Sakwilenu kúli Yehova mumu iye mupema, mumu utu wa zango lienyi wa mutolo.

Miaso (Masamu) 111:4

Hanewulula atu yitanga yenyi ya kukomwesa. Yehova mukwa vumbi kanda mukwa keke.

Miaso (Masamu) 118:1

Sakwilenu kuli Yehova, mumu iye mupema, mumu utu wa zango lienyi wa mutolo.

Miaso (Masamu) 119:60

Natambukile, chalalukile ha kufunga shimbi je.

Miaso (Masamu) 136:1

Sakwililenu yehova, mumu iye mupema; mumu utu wa zango lienyi wa mutolo.

Miaso (Masamu) 32:10

Yinyengo yinji muyipwa kuli chingulungulu, alioze mweswe mafuliela Yehova, utu wa zango muumujingilika.

Miaso (Masamu) 33:18

Liso lia Yehova kuliakutala kuli waze akumuvwila woma, ni waze akutwaminyina utu wa zango lienyi;

Miaso (Masamu) 33:19

Akapulule mwono wo ku kutwa; akaafunge mwono mu kapunga.

Miaso (Masamu) 34:12

Mutu iya yoze wakuzanga mwono ni matangwa anji hanga amone yipema?

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Yoano 6:44

Niumwe mahasa kwiza kuli yami shina mwe Tata wangutumine mamukoka; mungukamuhindwisa ha tangwa lia kusula.

A-ROMA 9:18

Chocho mevwa keke hali yoze mamupala, ni yoze mamupala mamukalisa.

2 Korintu 1:3

Zambi kanda Tato ya Mwene wetu Yesu Kristu akafumane, Tato ya keke, kanda Zambi ya kulembejeka cheswe;

Shimbi 4:31

Mumu te Yehova Zambi yenu iye Zambi ya keke. Kechi kanwehuka yenu, chipwe kumwonwona, ka, chipwe kuvulama usendo wa tulamba twenu iye walishingile kuli ayo.

Shimbi 5:15

Iwuluka ngwami, Wapwile kapinji mu chifuchi cha Engitu, Yehova Zambi ye yakuchizamo ni kwoko lia ndundo, ni kwoko lia kwolola, kashika Yehova Zambi ye yakwamba ngwenyi, Ufunge tangwa lia Sambata.

Shimbi 6:21

Henaho nwambe kuli ana jenu ngwenu, Twapwile tupinji twa Falau mu Engitu, Yehova yatuchiza mu Engitu ni kwoko lia ndundo.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Titu 3:5

hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

Yoshua 6:22

Yoshua yamba kuli malunga aali aze ayile mukwendesa chifuchi ngwenyi, Njilenu mu zuwo lia mwe chikoi ukachizemo mwe pwo ni atu jenyi eswe ngwe nwalitesele nenyi ni shingo.

2 Petulu 2:7

Wapulwile Lote, mukwa ululi, wamwene lamba ku kwenda cha ujila cha yingulungulu;

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;