Ubutukilo 19:15 - MUKANDA USANDU WA ZAMBI 1975

¹⁵ Mba muze hikwacha angelo apupwishile Lote ngwo, Katuka utwale mukwenu-pwo ni ane aali a mapwo uli no kuno kuchina manonga mu uhenge wa limbo.

Mukanda Wa Zambi 1970

¹⁵ Chichamene cheswe tunganda a mwilu yaambila Lote ngwo: “Lipupwise! Anda mukwenu pwo ni ana je aali a mapwo, tuhukenu, Nyi ka, munufwa muze Zambi mwonona limbo lino.”

Ubutukilo 19:15 Iomraidhean Croise

Ubutukilo 19:14

Chocho Lote yatuhuka, yahanjika ni atato-weno waze hatenda anenyi a mapwo ngwenyi, Katukenu, nutuhuke muno mumu Yehova monwona limbo lino. Alioze o yamumona ngwe lwelia anahanjika.

Ubutukilo 19:16

Hindu machilaluka, mba malunga yamukwata ku kwoko lienyi, ni kwoko lia mukwo-pwo, ni moko ja anenyi a mapwo se Yehova keke yinji anamuvwila. Chocho yamuchiza, yamusa haze lia limbo.

Ubutukilo 19:17

Mba muze hamukatwisa hamuneha haze yamba ngwo, China, ulamwine mwono we. Kanda utala kunyima. Kanda ulaluka mu chana. Chinyina ku mulundu kuchina mununonga.

Ubutukilo 19:22

Tambuka. Chinyinako, mumu chahashile kulinga nichimwe ndo hiwachinyinako. Kashika yaluka limbo lize jina lialio, Zoare.

Miaso (Masamu) 94:23

Iye hanahilwisa hali ayo uhenge wo ene. Kumakaapatula mu wupi wo ene. Yehova Zambi yetu kumakaapatula.

2 Korintu 6:2

(Mumu kanambe ngwenyi, Ha mwaka upema nahalakanyine kuli yena, ha tangwa lia ulamwino nakupulwile: tala, haliapwila we mwaka upema chikolo; tala, haliapwila lie tangwa lia ulamwino:)

Usolwelo 18:4

Mba nevwile liji likwo lia kukatuka mwilu, ngwo, Tuhukenumo, atu jami, hanga kunuchi kaliendela ni milonga yenyi, hanga kunuchi katambula ya ku lamba lienyi;