Ubutukilo 19:14 - MUKANDA USANDU WA ZAMBI 1975

¹⁴ Chocho Lote yatuhuka, yahanjika ni atato-weno waze hatenda anenyi a mapwo ngwenyi, Katukenu, nutuhuke muno mumu Yehova monwona limbo lino. Alioze o yamumona ngwe lwelia anahanjika.

Mukanda Wa Zambi 1970

¹⁴ Mba Lote yaya ni kulweza waze ambile kulimbata ni anenyi a mapwo ngwenyi: “Lipupwisenu nukatuke mu limbo lino, mumu Mwene Zambi kumalionona.” Alioze ayo yaanyonga ngwo, Lote miselo anahanjika.

Ubutukilo 19:14 Iomraidhean Croise

Ubutukilo 19:15

Mba muze hikwacha angelo apupwishile Lote ngwo, Katuka utwale mukwenu-pwo ni ane aali a mapwo uli no kuno kuchina manonga mu uhenge wa limbo.

Ubutukilo 19:17

Mba muze hamukatwisa hamuneha haze yamba ngwo, China, ulamwine mwono we. Kanda utala kunyima. Kanda ulaluka mu chana. Chinyina ku mulundu kuchina mununonga.

Ubutukilo 19:22

Tambuka. Chinyinako, mumu chahashile kulinga nichimwe ndo hiwachinyinako. Kashika yaluka limbo lize jina lialio, Zoare.

2 Sango Ja Mianangana 30:10

Chocho mikeji yapalika chihunda ni chihunda ndusu chifuchi cha Eframe ni Manase ndo ku Zapulone, alioze yaaseha nikwalenya nikwachimbunguna.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Kutuhuka 12:31

Iye yatambika Mose ni Arone ha ufuku, ngwenyi, Katukenu, ni yenu ni A-Izalele, nutuhuke hakachi ka atu jami. Yénu, nukalingile Yehova ngwe hinwamba.

Kutuhuka 9:21

Yoze walengulwile liji lia Yehova, yahichika mu yambu ngamba jenyi ni yimuna jenyi.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Izaya 28:22

Kashika kanda nulenya kuchina makolesa mihipu yenu; mumu hinevwa shimbi yimwe ya kwonwona kuli Mwene Yehova-wa-Tujita ha chifuchi cheswe.

Jeremia 20:7

Yehova wangwonga, mba yami nongoloka. Wanguhiana ni tachi hiwangukumba. Hinalumuka chuma cha kuseha tangwa lieswe, atu eswe kakungulenya.

Jeremia 43:1

Muze Jeremia hamana kuhanjika ni e atu eswe maliji ano eswe a Yehova Zambi yo, iye Yehova Zambi yo hamutuma no kuli ayo,

Jeremia 43:2

Azaria mwana Hoshaia ni Johanane mwana Karea ni akwa shino eswe ambile kuli Jeremia ngwo, Mahuza unambe. Yehova Zambi yetu kakutumine ukambe ngwe, Kanda nuya ku Engitu nutwameko.

Jeremia 51:6

Chinenu hakachi ka Babilonia, mutu mweswe alamwine mwono wenyi! Kanda anusutula mu kastigu yenyi mumu mwaka wa kukala wa Yehova, uno, che kufwetesa chenyi kuli iye.

Ezekiel 20:49

Henaho yingwamba ngwami, Mwene Yehova! Kanangwambe ngwo, Au mwe mukwa kuta yishima.

Kwalula 16:21

Lihandununenu ku chikungulwila chino, hanga ngwamanune mu kashimbu kakepekepe.

Kwalula 16:26

Yamba ku chikungulwila ngwenyi, Akwetu! Katukenu ku mbalaka ja wano yingulungulu, kanda nukwata yuma yo niyimwe, kuchina manumanuna mumu ha milonga yo yeswe.

Kwalula 16:45

Katukenu hakachi ka chikungulwila chino, hanga ngwamanune mu kashimbu kakepekepe. O yafulamana hashi.

Mateu 1:18

Achi, kusemuka cha Yesu Kristu chapwile ngwe chino: Muze naye Maria hamulakenya kuli José, shimbu kanda alinunga, amuwanyine ni ufumba kuli Spiritu Musandu.

Mateu 9:24

wambile ngwenyi, Lisekulenu, mumu mwana-pwo kafwileko, mu tulo ali. Alioze amusehele.

Luka 24:11

Alioze maliji ano asotokele kuli ayo ngwe saki; o kaafulieleleko.

Luka 9:42

Alioze shimbu te achili nikwiza, ndemoniu wamulimbwile, wamutunyishine chikolo. Yesu wakanjishile Spiritu ya luchisa, wahindwishile mwana-lunga, wamuhilwishile kuli tato.

Yilinga 17:32

O muze evwile ha Uhindukilo wa afu, amwe achimbungwine; ni akwo ambile ngwo, Mutukakwivwa ha chino tangwa likwo.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.