Ubutukilo 18:6 - MUKANDA USANDU WA ZAMBI 1975

⁶ Apalahama yanjila fuji mu mbalaka kuli Sara, nikwamba ngwenyi, Lulika kawashi njongo jitatu ja wunga wafufunuka, ukauchike, ukalinge tumbolo.

Mukanda Wa Zambi 1970

⁶ Abrahama yanjila fuji mu zuwo, yalweza Sara ngwenyi: “Lulika nikawashi jongo jitatu ja wunga wafufunuka uuchike ulinge yimwe mbolo.”

Ubutukilo 18:6 Iomraidhean Croise

Ubutukilo 18:5

Munguneha kamwe kakulia nukalihuzulule mbunge jenu, mba kulutwe munuhiana, se hinweza kuli yami kavumbi kenu. O yamba ngwo, Linga chize hiwamba.

Ubutukilo 18:7

Apalahama yazomboka ku tanga, yaneha mwana-ngombe mwovu, mupema, yamuhana kuli ngamba akalipupwise kumululika.

Ubutukilo 19:3

Alioze waashinjile chikolo, kashika yakondolokela kuli iye, yanjila mu zuwo lienyi. Iye waatelekelele kulia, yaochela mbolo kuyishi futunwiso, mba yalia.

2 Samuel 13:6

Chocho Amnone wapombele waliongele kuyiza. Mba muze mwanangana wejile kumumona Amnone yamba kuli mwanangana ngwenyi, Tayiza kama ndumbwami Tama eze angulingile jimwe mbolo jiali kumeso jami, ngukalie ku kwoko lienyi.

Miaso (Masamu) 119:60

Natambukile, chalalukile ha kufunga shimbi je.

Izaya 32:8

Alioze mutu wa mbunge yipema kakunyonga yuma yipema, ni ku yuma yipema kanajikijila.

Mateu 13:33

Waatelele chishima chikwo ngwenyi, Wanangana wa malilu kuunapu ngwe futunwiso, yize anjile pwo, aswekele mu njongo jitatu ja wunga, ndo wafutunukine weswe lukombo.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

A-ROMA 12:13

Nukalianyine ku kuhona cha asandu, nukalitumbikile ku kuzumbula ngeji.

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Hebreu 13:2

Kanda nuvulama kuzumbula ngeji: mumu ha kulinga chocho amwe hanazumbula angelo, kumanyi kachinyingikine.

1 Petulu 4:9

nikulizumbula umwe ni mukwo, ni kulinyenyeta chakuhi.

Akwa Kuyula 6:19

Chocho Ngideone yanjila mu zuwo lienyi; yalulika mwana-pembe ni tumbolo kutushi futunwiso twa efa yimuwika ya wunga. Yifwo yayisa mu mutonga; mutato mu ndeho, mba yayineha kuli iye mushi lia mutondo wa carvalho, yamwahayo.

1 Samuel 28:24

Pwo te kali ni mwana-ngombe wa maji; yamushiha fuji-fuji; yanda wunga, yachika mbolo kuyishi futunwiso, yayocha.