Ubutukilo 18:5 - MUKANDA USANDU WA ZAMBI 1975

⁵ Munguneha kamwe kakulia nukalihuzulule mbunge jenu, mba kulutwe munuhiana, se hinweza kuli yami kavumbi kenu. O yamba ngwo, Linga chize hiwamba.

Mukanda Wa Zambi 1970

⁵ Ngununehene yimwe yakulia, muze hinwalia mba munwivwa tachi ja kuya mu jila yenu. Mumu hinwaheta maha yami kavumbi kenu.” Yaamukumbulula ngwo: “Chibema, mwane.”

Ubutukilo 18:5 Iomraidhean Croise

Ubutukilo 18:6

Apalahama yanjila fuji mu mbalaka kuli Sara, nikwamba ngwenyi, Lulika kawashi njongo jitatu ja wunga wafufunuka, ukauchike, ukalinge tumbolo.

Ubutukilo 19:8

Alioze nguli ni ana aali a mapwo kanda achilimona ni malunga. Ngunaliumbu ngukanuneheno haze, mba cheswacho chanupemena ku meso jenu hilingenu no. Alioze kanda nulinga nichimwe kuli wano malunga, se hapwa ngeji jami.

Ubutukilo 33:10

Alioze Yakomba yamba ngwenyi, Hi chocho ko mwane. Nyi hinawana vumbi kumeso je tambula mulambu wami ku kwoko liami se hinamona meso je ngwe umwe mamona meso a Zambi, hiwangutambula ni vumbi.

1 Yitanga Ya Mianangana 17:11

Ha kuya nikwaneha yatambika kuli iye nawa ngwenyi, Ngunehene kama kamwe kambolo mu kwoko.

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Izaya 3:1

Mumu Mwene Yehova-wa-Tujita kanachiza kuli A-Yerusaleme ni A-Yunda ni pango ni mulumbu, ujikijilo weswe wa mbolo, ni ujikijilo weswe wa meya;

Mateu 6:11

Twehe kama musono mbolo yetu yize twakufupafupa.

Akwa Kuyula 13:15

Manoa yamba kuli mungelo wa Yehova ngwenyi, Tutayize tukukwike shimbu mutu-kushihila mwana-pembe.

Akwa Kuyula 13:16

Mungelo wa Yehova yamba kuli Manoa ngwenyi, Nyi munungukwika hindu chichi kutambula kulia chenu, alioze nyi munululika mulambu wa kulumba hilumbenuwo kuli Yehova. (Te Manoa kanyingikine ngwenyi, Mungelo wa Yehova.)

Akwa Kuyula 19:5

Ha tangwa liamuchiwana alimenekene, yakasakasa hanga aye. Alioze tato ya pwo yamba kuli tato-weno ngwenyi, Takamisa mbunge ye ni kakulia, mba kulutwe muoya.

Akwa Kuyula 6:18

Kanda ukatuka kuno ndo mungwiza kuli yena ngukunehene mulambu wami wa kutumbika kumeso je. Iye yamba ngwenyi, Mungutwama ndo hiweza.

Akwa Kuyula 6:19

Chocho Ngideone yanjila mu zuwo lienyi; yalulika mwana-pembe ni tumbolo kutushi futunwiso twa efa yimuwika ya wunga. Yifwo yayisa mu mutonga; mutato mu ndeho, mba yayineha kuli iye mushi lia mutondo wa carvalho, yamwahayo.