Ubutukilo 18:25 - MUKANDA USANDU WA ZAMBI 1975

²⁵ Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Mukanda Wa Zambi 1970

²⁵ Kuwahashile kwonona akwa ululi hamwe ni yitanganyanyi. Kuwahashile kuchilinga nichimwe! Nyi wachilinga, kafwa ngwe, washiha akwa ululi hamwe ni yitanguke. Kuchahashile kubwa. Yena ngaji wa akwa hashi eswe, chakutamba kubatula ni ululi.”

Ubutukilo 18:25 Iomraidhean Croise

Ubutukilo 18:24

Hanji mwali makumi atano a akwa ululi mu chihunda. Munongesa chihunda nyi? Kuchi kuchivwila keke mumu hali e makumi atano a akwa ululi alimo nyi?

1 Sango Ja Mianangana 16:33

mba mitondo yeswe ya mu musenge muyikemba ni chiseke kumeso ja Yehova, mumu kaneza mukupatwila akwa hashi.

2 Sango Ja Mianangana 19:7

Kashika pwenu ni woma wa Yehova. Talenu kanawa nukachilinge, mumu uhenge kuushiko kuli Yehova Zambi yenu, chipwe katonde, hanji kutambula yijiko.

Nehemia 9:33

Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Jobe 34:10

Kashika ngwivwenu, enu akwa yinyingi, chipwe kusuku ni Zambi akalinge ungulungulu, chipwe kusuku ni Mukwa-Ndundo-Jeswe akalinge chize chahenga.

Jobe 34:12

Pundu Zambi kechi kulinga ungulungulu; Mukwa-Ndundo-Jeswe kechi kupatula ni uhenge.

Jobe 8:20

Zambi kechi kumbila yoze keshi mulonga; kechi kukwata kwoko lia yingulungulu.

Jobe 8:3

Zambi te kakupatula ni uhenge? Mukwa-Ndundo-Jeswe kakupatula ni uhenge?

Miaso (Masamu) 50:6

Malilu mambulula ululi wenyi, mumu Zambi mwene iye mwe Chipatula-milonga.(Litulike.)

Miaso (Masamu) 58:11

Chocho atu mamba ngwo, Chamwenemwene kwononona cha mukwa ululi kuchili; chamwenemwene kwali Zambi mukwa kupatula hano hashi.

Miaso (Masamu) 7:12

Nyi kachi umwe kechi kuhiluka, kumahela katana kenyi, hanana uta wenyi, haululika.

Miaso (Masamu) 75:3

Hashi hanasangunuka hamuwika ni waze atwamaho. Yami namikine manguji jaho.(Litulike.)

Miaso (Masamu) 94:2

Katuka kama yena Chipatula-milonga wa akwa hashi. Linga kuli akwa kulengumuka chize chinaatela.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Longeshi 3:17

Yingwamba mu mbunge yami ngwami, Zambi mapatwila akwa ululi ni yingulungulu, mumu kulili tangwa ha kupala cheswe ni ha milimo yeswe.

Longeshi 7:15

Chino cheswe hinamona mu matangwa jami amokomoko; kwali mukwa ululi yoze manonga mu ululi wenyi, ni kwali chingulungulu yoze masuhisa matangwa jenyi mu yilinga yenyi yipi.

Jeremia 11:20

Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Ezekiel 18:25

Hindu nwakwamba ngwenu, Ndako ja Mwene hi ja ululi ko. Ivwenu haliapwila enu akwa munyachi wa Izalele. Kumanyi ndako jami hi ja ululi ko? Nyi ja yenu kujalulamine?

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Shimbi 1:16

Yingwamba ngaji jenu ha mwaka uze ngwami, Panjikenu yikuma hakachi ka akwenu, nupatule ni ululi hakachi ka mutu ni mukwo, ni njize waze ali hamwe ni yenu.

Shimbi 1:17

Kanda nupwa ni katonde ha kupatula. Nupanjike akepe ni anene chizechene. Kanda nupwa ni woma wa meso ja mutu, mumu upatwilo wa mbala wa Zambi. Chikuma chikalu naye hali yenu nungunehenecho. Munguchipanjika.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Hebreu 12:23

che kukungama cha eswe; ni ku chikungulwila cha atangu, waze anasonewa mwilu; ni kuli Zambi mwe Sopi ya eswe, ni kuli maspiritu ja akwa ululi hanaapwisa angunu,

Akwa Kuyula 11:27

Ami chakuvulumwine alioze yena unanguvulumuna ha kwasa jita ni yami. Yehova mwe mukwa kupatula apatule musono hakachi ka A-Izalele ni A-Amone.