Ubutukilo 18:23 - MUKANDA USANDU WA ZAMBI 1975

²³ Apalahama yakundama ngwenyi, Munongesa akwa ululi hamwe ni yingulungulu nyi?

Mukanda Wa Zambi 1970

²³ Abrahama yahula Mwene Zambi ngwenyi: “Kuma muukonona atu abema hamwe ni yitanguke, nyi?

Ubutukilo 18:23 Iomraidhean Croise

Ubutukilo 18:24

Hanji mwali makumi atano a akwa ululi mu chihunda. Munongesa chihunda nyi? Kuchi kuchivwila keke mumu hali e makumi atano a akwa ululi alimo nyi?

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Ubutukilo 20:4

Alioze Apimeleke te kanda achimukundama. Yamba ngwenyi, Mwene, mushiha vungu lia ululi nyi?

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

Jobe 34:17

Yoze kazangile ululi, te mayula? Munuhisa mukwa ululi yoze uli ni ndundo?

Jobe 8:3

Zambi te kakupatula ni uhenge? Mukwa-Ndundo-Jeswe kakupatula ni uhenge?

Miaso (Masamu) 73:28

Alioze chipema kuli yami kukundama kuli Zambi. Hinasa Ufulielo wami muli Mwene Yehova, hanga ngukambulule yitanga ye yeswe.

Kutuhuka 23:7

Usosoloke kusuku ni chuma cha mahuza. Kanda ukashiha mukwa kusamba chipwe mukwa ululi, mumu ami chichi kusambisa yingulungulu.

Jeremia 30:21

Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

Tiangu (Jake) 5:17

Eliya wapwile mukwa usona wa kulifwa ni yetu, iye walembele ni mbunge yeswe hanga vula kechi kanoka; iye kanokene hano hashi ha miaka yitatu ni tukweji asambano.